නිවැරදි ධර්මය සැමදා විද්‍යමාන නොවේ..... අධර්මයෙන් එය වැසීයමින් පවතී......
ලිපි මාලා අංක – 06
ගූථ නරකය
යොදුන් සියයක් උසින් ද යොදුන් තුන්සියයක් පළලින් ද යුතු වන මෙහි පැසෙමින් පවතින මළමුත්‍රාදියෙන් පිරී ඇත. එතරම්ම ඉවසීමට නොහැකි දුර්ගන්ධයක් මෙහි ඇත. ඉදිකටු තුඩ හා සමාන විශාල ප්‍රමාණයේ ශරීර ඇති පණුවන් පැමිණ නිරිසතුන් වට කරගන්නා අතර ක්ෂණයකින් ඒ නිරිසතාගේ මස්, ඇට, ඇටමිදුලු යන සියල්ල ඉතා තියුණු තුඩින් ඇණ කා විනාශ කරති. එම නිරිසතුන්ට ආහාර පාන වන්නේ ඔවුන්ගේ මළමුත්‍රය. මෙහි උපදින්නේ ණයකාරයින් වෙත ගොස් ණය ඉල්ලා ඔවුන්ට තාඩන පීඩන කොට ඔවුන් අසහනයට ලක්කොට ණය නොදුන්න හොත් අසවල් අසවල් තැන ඉපිද අසූචි කෑවා හා සමානයැයි අන්‍යයන්ට ශාපකරන අයයි. එමෙන්ම ණය ගෙන එම ණය නොගෙවා දිවුරා තමන් ණය නොගත්තේ යැයි පවසා සොර සිතින් ණය පැහැර හැරි අයද මෙහි උපදී. අත් පා නාසා කන් ආදිය කපා අන්‍යන්ට පීඩා කළ අය ද, මිත්‍රයන්ට ද්‍රෝහී වුණ අය ද මෙහි උපදී.
යොදුන් සියයක් උසින් ද යොදුන් තුන්සියයක් පළලින් ද යුතු වන මෙහි පැසෙමින් පවතින මළමුත්‍රාදියෙන් පිරී ඇත. එතරම්ම ඉවසීමට නොහැකි දුර්ගන්ධයක් මෙහි ඇත. ඉදිකටු තුඩ හා සමාන විශාල ප්‍රමාණයේ ශරීර ඇති පණුවන් පැමිණ නිරිසතුන් වට කරගන්නා අතර ක්ෂණයකින් ඒ නිරිසතාගේ මස්, ඇට, ඇටමිදුලු යන සියල්ල ඉතා තියුණු තුඩින් ඇණ කා විනාශ කරති. එම නිරිසතුන්ට ආහාර පාන වන්නේ ඔවුන්ගේ මළමුත්‍රය. මෙහි උපදින්නේ ණයකාරයින් වෙත ගොස් ණය ඉල්ලා ඔවුන්ට තාඩන පීඩන කොට ඔවුන් අසහනයට ලක්කොට ණය නොදුන්න හොත් අසවල් අසවල් තැන ඉපිද අසූචි කෑවා හා සමානයැයි අන්‍යයන්ට ශාපකරන අයයි. එමෙන්ම ණය ගෙන එම ණය නොගෙවා දිවුරා තමන් ණය නොගත්තේ යැයි පවසා සොර සිතින් ණය පැහැර හැරි අයද මෙහි උපදී. අත් පා නාසා කන් ආදිය කපා අන්‍යන්ට පීඩා කළ අය ද, මිත්‍රයන්ට ද්‍රෝහී වුණ අය ද මෙහි උපදී.
කුක්කුල නරකය
මෙහි ද දිග පළල ශූථ නරකය මෙන් යොදුන් සියයක් උසින් ද යොදුන් තුන්සියයක් පළලින් ද යුතු වෙයි. මෙම නරකයෙහි ගැඹුර යොදුන් තුන් සියයක් පමණ වෙයි. මුවවිට තෙක්ම ගිනිගෙන දැවෙන අඟුරුවලින් පිරී පවතී. මෙහි වැටෙන නිරිසතුන් වැටුණු ක්ෂණයකින්ම පතුළ දක්වා ගිලා බසයි. එයින් මුළු සිරුරම පිළිස්සී අළු බවට පත්වෙයි. එහෙත් කර්ම ශක්තිය ගෙවී නැති බැවින් නැවතත් එහිම ඉපදී නැවත එසේම දුක්විඳියි. මෙහි උපදින්නේ උණුදිය ආදියෙන් හා ගින්නෙන් සතුන්ට පීඩාකොට මරණයට පත්කළ අයයි. එමෙන්ම සිල්වතුන්ට ගරහා කෙළ ගැසූ අය ද මෙහි උපදිති.
මෙහි ද දිග පළල ශූථ නරකය මෙන් යොදුන් සියයක් උසින් ද යොදුන් තුන්සියයක් පළලින් ද යුතු වෙයි. මෙම නරකයෙහි ගැඹුර යොදුන් තුන් සියයක් පමණ වෙයි. මුවවිට තෙක්ම ගිනිගෙන දැවෙන අඟුරුවලින් පිරී පවතී. මෙහි වැටෙන නිරිසතුන් වැටුණු ක්ෂණයකින්ම පතුළ දක්වා ගිලා බසයි. එයින් මුළු සිරුරම පිළිස්සී අළු බවට පත්වෙයි. එහෙත් කර්ම ශක්තිය ගෙවී නැති බැවින් නැවතත් එහිම ඉපදී නැවත එසේම දුක්විඳියි. මෙහි උපදින්නේ උණුදිය ආදියෙන් හා ගින්නෙන් සතුන්ට පීඩාකොට මරණයට පත්කළ අයයි. එමෙන්ම සිල්වතුන්ට ගරහා කෙළ ගැසූ අය ද මෙහි උපදිති.
කටු ඉඹුල් වන නරකය
මෙහිද දිග පළල කුක්කුල නරකය මෙනි. මෙය වේතරණී ගඟ සමීපයේ පිහිටා ඇති අතර බඹ දහයක් පමණ මහත ඇති කියත් හා සමාන ගිනිගෙන දිලිසෙන දිග කටු ඇති ඉඹුල් ගසින් යුක්ත ඉඹුල් වනයකි. මෙහි කටු දෙපැත්තට පිහිටා ඇත. එනම් සමහර කටු යටට හැරී ඇති අතර සමහර කටු උඩට හැරී ඇත. මෙහි සියලුම ඉඹුල් ගස් මෙසේ සිව් දිගින්ම කටුවලින් වටවී ඇත. මෙහි ඇති ඉඹුල් ගස් සියල්ලෙහි කටු ගිනිගෙන දිලිසෙන නිසා ඈතට දිස් වන්නේ පහන් ගස් මෙනි. මෙහි සිටින යමපල්ලන්ගේ උස යොදුන් පමණ වෙයි. ඔවුන්ගේ නිය හා දත්ද ගව් පමණ වෙයි. රැවුල අසූරියන් පමණ වෙයි. ඇස්බැම ද අසූරියන් පමණ වෙයි. කරත්ත රෝදයක් හා සමාන රතු වූ ඇස් ඇත්තේ වෙයි. මෙහි උපදින නිරිසතුන්ට දඬුමුගුරුවලින් ගසගසා දිලිසෙන කටු ඇති කටුඉඹුලේ නන්වති. එවිට යටට නැමී ඇති කටු ඔවුන්ගේ සිරුර හිල් කරගෙන බසිති. එසේ වුවත් ඔවුහු නොමැරෙති. උඩට නැගුණු පසු නැවත බස්සවති. එවිට උඩට හැරී ඇති කටු ඔහුගේ සිරුරට නැවතත් කිඳා බසිති. ඔවුහු මරහඬ දෙමින් කෑගසති. එවිට යමපල්ලෝ ඔවුන්ගේ අතැති මුගුරුවලින් ගස ගසා නංවති. ගස ගසා බස්සවති. කෙළවරක් නැති දුක් වේදනා ඇති මෙහි උපදින්නේ පර පුරුෂ සේවනයේ යෙදුණු ස්ත්‍රීන් හා පර ස්ත්‍රී සේවනයේ යෙදුණ පුරුෂයන්ය. එසේ කළ පුරුෂයන් හා ස්ත්‍රීන් මෙහි උපදින අතර කටු ඉඹුලට නැංවීමට පෙර දෙපාර්ශ්වයටම ගිනිගත් පළඳනාවක් පළඳවති. මෙසේ ඒ ගිනිගත් පළඳනාව ද දරා කටුඉඹුලේ නගිනවිට ස්ත්‍රීන් ගීතයක් කියයි. එයට වශීවී කන්දෙන පුරුෂයා මඳක් නවතී. එවිට යමපල්ලෝ ඔහුට ගිනිගත් මුගුරුවලින් පන්සියවරක් තළති. එයින් මිය යන ඔවුහු නැවතත් එහිම ඉපදී එලෙසම දුක්විඳිති. මෙහි ආයුෂ ප්‍රමාණය කිව නොහැක.
මෙහිද දිග පළල කුක්කුල නරකය මෙනි. මෙය වේතරණී ගඟ සමීපයේ පිහිටා ඇති අතර බඹ දහයක් පමණ මහත ඇති කියත් හා සමාන ගිනිගෙන දිලිසෙන දිග කටු ඇති ඉඹුල් ගසින් යුක්ත ඉඹුල් වනයකි. මෙහි කටු දෙපැත්තට පිහිටා ඇත. එනම් සමහර කටු යටට හැරී ඇති අතර සමහර කටු උඩට හැරී ඇත. මෙහි සියලුම ඉඹුල් ගස් මෙසේ සිව් දිගින්ම කටුවලින් වටවී ඇත. මෙහි ඇති ඉඹුල් ගස් සියල්ලෙහි කටු ගිනිගෙන දිලිසෙන නිසා ඈතට දිස් වන්නේ පහන් ගස් මෙනි. මෙහි සිටින යමපල්ලන්ගේ උස යොදුන් පමණ වෙයි. ඔවුන්ගේ නිය හා දත්ද ගව් පමණ වෙයි. රැවුල අසූරියන් පමණ වෙයි. ඇස්බැම ද අසූරියන් පමණ වෙයි. කරත්ත රෝදයක් හා සමාන රතු වූ ඇස් ඇත්තේ වෙයි. මෙහි උපදින නිරිසතුන්ට දඬුමුගුරුවලින් ගසගසා දිලිසෙන කටු ඇති කටුඉඹුලේ නන්වති. එවිට යටට නැමී ඇති කටු ඔවුන්ගේ සිරුර හිල් කරගෙන බසිති. එසේ වුවත් ඔවුහු නොමැරෙති. උඩට නැගුණු පසු නැවත බස්සවති. එවිට උඩට හැරී ඇති කටු ඔහුගේ සිරුරට නැවතත් කිඳා බසිති. ඔවුහු මරහඬ දෙමින් කෑගසති. එවිට යමපල්ලෝ ඔවුන්ගේ අතැති මුගුරුවලින් ගස ගසා නංවති. ගස ගසා බස්සවති. කෙළවරක් නැති දුක් වේදනා ඇති මෙහි උපදින්නේ පර පුරුෂ සේවනයේ යෙදුණු ස්ත්‍රීන් හා පර ස්ත්‍රී සේවනයේ යෙදුණ පුරුෂයන්ය. එසේ කළ පුරුෂයන් හා ස්ත්‍රීන් මෙහි උපදින අතර කටු ඉඹුලට නැංවීමට පෙර දෙපාර්ශ්වයටම ගිනිගත් පළඳනාවක් පළඳවති. මෙසේ ඒ ගිනිගත් පළඳනාව ද දරා කටුඉඹුලේ නගිනවිට ස්ත්‍රීන් ගීතයක් කියයි. එයට වශීවී කන්දෙන පුරුෂයා මඳක් නවතී. එවිට යමපල්ලෝ ඔහුට ගිනිගත් මුගුරුවලින් පන්සියවරක් තළති. එයින් මිය යන ඔවුහු නැවතත් එහිම ඉපදී එලෙසම දුක්විඳිති. මෙහි ආයුෂ ප්‍රමාණය කිව නොහැක.
අසිපත්ත වන නරකය
මෙය ද කටුඉඹුල් නරකය මෙන් යොදුන් සියයක් උසින් ද යොදුන් තුන්සියයක් පළලින් ද යුතු වෙයි. මෙය කඩු මෙන් පත්‍ර ඇති ගසින් යුක්ත වූ වනයකි. ගිනිගෙන පිළිස්සෙමින් ඇවිදින නිරි සත්තු සිසිලස පතා මේ ගස් යටට යති. එවිට ම හමා එන සුළඟින් එම ගස්වල පත්‍ර අසිපත් මෙන් ක්‍රියාත්මක වී ඔවුන්ගේ අත්, පා, සිරුර සිඳ මස් ගොඩක් බවට පත් කරති. මෙහි උපදින්නේ සතුන් මරා මස්කොට විකුණු අයයි.
මෙය ද කටුඉඹුල් නරකය මෙන් යොදුන් සියයක් උසින් ද යොදුන් තුන්සියයක් පළලින් ද යුතු වෙයි. මෙය කඩු මෙන් පත්‍ර ඇති ගසින් යුක්ත වූ වනයකි. ගිනිගෙන පිළිස්සෙමින් ඇවිදින නිරි සත්තු සිසිලස පතා මේ ගස් යටට යති. එවිට ම හමා එන සුළඟින් එම ගස්වල පත්‍ර අසිපත් මෙන් ක්‍රියාත්මක වී ඔවුන්ගේ අත්, පා, සිරුර සිඳ මස් ගොඩක් බවට පත් කරති. මෙහි උපදින්නේ සතුන් මරා මස්කොට විකුණු අයයි.
ඛාරෝදක නරකය
මෙහි දිග පළල ද පෙර මෙනි. මේ ඛාරෝදක නරකය ලුණු දියෙන් පිරී පවතී. මෙහි දිය තඹවන් පාටය. අසූචි මුත්‍රාදියෙන් පිරී, පැසී , කැකෑරී පවතින මේ නගරයෙන් හමන දුඟද යොදුන් සියයක් දුර සිටින උන්ගේ වුවද හිස් මොළ පැලී යන තරම් අප්‍රසන්නය. සිල්වතුන්ට අක්‍රෝශ පරිභව කරමින් තමන්ගේ බලය පෙන්වා අසරණයන් මැඩූ අය මෙහි උපදින අතර එසේ උපදින නිරිසතුන් පැසෙමින් පවතින කරදිය හරහා එහි පතුළටම යති.එහි ඇති අවි ආයුධවලින් ඔවුහුගේ සිරුරු දෙපළු වන අතර කර්මශක්තියේ බලවත්කම නිසා නැවත එහිම උපදිති.
මෙහි දිග පළල ද පෙර මෙනි. මේ ඛාරෝදක නරකය ලුණු දියෙන් පිරී පවතී. මෙහි දිය තඹවන් පාටය. අසූචි මුත්‍රාදියෙන් පිරී, පැසී , කැකෑරී පවතින මේ නගරයෙන් හමන දුඟද යොදුන් සියයක් දුර සිටින උන්ගේ වුවද හිස් මොළ පැලී යන තරම් අප්‍රසන්නය. සිල්වතුන්ට අක්‍රෝශ පරිභව කරමින් තමන්ගේ බලය පෙන්වා අසරණයන් මැඩූ අය මෙහි උපදින අතර එසේ උපදින නිරිසතුන් පැසෙමින් පවතින කරදිය හරහා එහි පතුළටම යති.එහි ඇති අවි ආයුධවලින් ඔවුහුගේ සිරුරු දෙපළු වන අතර කර්මශක්තියේ බලවත්කම නිසා නැවත එහිම උපදිති.
ලොහොකු ඹු නරකය
මෙහි දිග පළල ද පෙර මෙනි. යොදුන් හැටක් ගැඹුර ඇති මෙය බඳුනක බහා ලූ තණ පතක් මෙන් ද උඩු යටිව පැසෙන සහල් ඇටයක් මෙන් ද උඩට යටට බහින ස්වභාව ඇති එම නරකයේ ගින්න කල්පය මුල දී හටගත්තාක් මෙන් ඉතා දරුණුය. මෙහි ඉපිද උඩු යටිකුරු වී පැසෙන්නෝ නම්, සෝවාන් ආදී සතර මග පිළිපන් උතුමන් තළා පෙළා හිරිහැරයට පත් කළ අය හා වැදි කර්මයෙන් සතුන් මරා ජීවත් වූ අයයි.
මෙහි දිග පළල ද පෙර මෙනි. යොදුන් හැටක් ගැඹුර ඇති මෙය බඳුනක බහා ලූ තණ පතක් මෙන් ද උඩු යටිව පැසෙන සහල් ඇටයක් මෙන් ද උඩට යටට බහින ස්වභාව ඇති එම නරකයේ ගින්න කල්පය මුල දී හටගත්තාක් මෙන් ඉතා දරුණුය. මෙහි ඉපිද උඩු යටිකුරු වී පැසෙන්නෝ නම්, සෝවාන් ආදී සතර මග පිළිපන් උතුමන් තළා පෙළා හිරිහැරයට පත් කළ අය හා වැදි කර්මයෙන් සතුන් මරා ජීවත් වූ අයයි.
වේතරණී නරකය
මෙහි දිග යොදුන් හැටක් ද පළල යොදුන් හැටක් ද වෙයි. හැට යොදුනක් ගැඹුරු මෙහි පැසෙන ලෝදිය නව යොදුන් ඝනකම් ඇති යකඩ පියන සිසාරා එයි. මෙහි සිටින යමපල්ලෝ වේවැල් රැහැන්වැනි කඩුපතින් ද සතරැස් හා අටැස් යකඩ මුගුරුවලින් එහි උපන් නිරි සතුන් තළති. කපති. ඉරති පැහෙන ලෝ දියෙහි ගිල්වති. මෙහි ඇති කටු උල්වල ඇණී නිරිතුන්ගේ මස් ඉරී යති. නැවත කර්ම බලයෙන් ඒවා සැකසෙන අතර කර්මය ගෙවෙන තෙක් මිය යෑමක් නැත. එකිනෙකාට කුලමල කියා අපහාස කළ අය, නිරපරාධ අයට අපරාධ කළ අයද මෙහි උපදිති.
මෙහි දිග යොදුන් හැටක් ද පළල යොදුන් හැටක් ද වෙයි. හැට යොදුනක් ගැඹුරු මෙහි පැසෙන ලෝදිය නව යොදුන් ඝනකම් ඇති යකඩ පියන සිසාරා එයි. මෙහි සිටින යමපල්ලෝ වේවැල් රැහැන්වැනි කඩුපතින් ද සතරැස් හා අටැස් යකඩ මුගුරුවලින් එහි උපන් නිරි සතුන් තළති. කපති. ඉරති පැහෙන ලෝ දියෙහි ගිල්වති. මෙහි ඇති කටු උල්වල ඇණී නිරිතුන්ගේ මස් ඉරී යති. නැවත කර්ම බලයෙන් ඒවා සැකසෙන අතර කර්මය ගෙවෙන තෙක් මිය යෑමක් නැත. එකිනෙකාට කුලමල කියා අපහාස කළ අය, නිරපරාධ අයට අපරාධ කළ අයද මෙහි උපදිති.
සෝණඛාදක නරකය
බල්ලන් ලවා කවා වද දෙන බැවින් මෙය මෙනමින් හඳුන්වයි. මෙහි දිග පනස් යොදුණකි. පළල පනස් යොදුනකි. මෙය වසා ඇති පියන නවයොදුන් ඝනකම් වෙයි. දිග මහත බඳ ඇති ගව් පමණ දිග කකුල් හා ගිනිසිළු මෙන් දිලිසෙන දත් ඇති කලු, සුදු, රතු හා නිල් පැහැ ඇති බල්ලන් විසින් මෙහි ඉපිද දුක්විඳින නිරිතුන්ගේ සම්, මස්, නහර, ඇට කඩ කඩා, බිඳ බිඳ කති. මෙහි උපදින්නේ ඌරන්, මුවන්, සාවුන් වැනි සතුන් බල්ලන් ලවා මැරූ අය, දියෙහි වෙසෙන මත්‍යසයින් දැල් - කෙමි ආදිය යොදා මැරූ අය හා විෂ බෙහෙත් ආදියෙන් සතුන් මැරූ අයයි.
බල්ලන් ලවා කවා වද දෙන බැවින් මෙය මෙනමින් හඳුන්වයි. මෙහි දිග පනස් යොදුණකි. පළල පනස් යොදුනකි. මෙය වසා ඇති පියන නවයොදුන් ඝනකම් වෙයි. දිග මහත බඳ ඇති ගව් පමණ දිග කකුල් හා ගිනිසිළු මෙන් දිලිසෙන දත් ඇති කලු, සුදු, රතු හා නිල් පැහැ ඇති බල්ලන් විසින් මෙහි ඉපිද දුක්විඳින නිරිතුන්ගේ සම්, මස්, නහර, ඇට කඩ කඩා, බිඳ බිඳ කති. මෙහි උපදින්නේ ඌරන්, මුවන්, සාවුන් වැනි සතුන් බල්ලන් ලවා මැරූ අය, දියෙහි වෙසෙන මත්‍යසයින් දැල් - කෙමි ආදිය යොදා මැරූ අය හා විෂ බෙහෙත් ආදියෙන් සතුන් මැරූ අයයි.
ලිපි මාලා අංක – 07
ගිජඣ කාක නරකය
මෙය වනාහි ගිජුලිහිණින් හා කවුඩන් ලවා කවා වදදෙන නිරයකි. එහි දිග පළල ආදිය පෙරමෙනි. ලොහො තුඩු ඇති මහා ගැල් පමණ ශරීර ඇති ගිජුලිහිණීහු ද එසේම ගවු දිග ගිනි සිළුමෙන් දිළිසෙන තුඩු හා පියාපත් ඇති යොදුන් පමණ මහත උකුස්සෝ ද, නිරිසතුන්ගේ සම් මස් නහර කඩා හඬව හඬවා වධ දෙති. ආහාර පාන ආදී කිසිවක් කිසිවෙකුට නොදෙන ලද තද මසුරෝ ද, සිල්වතුන්ට දෙන දන් වැළැක්වූවෝ ද, අන් සතු ඉඩම් බලහත්කාරයෙන් හෝ ප්‍රයෝගයෙන් පැහැර ගෙන කෑවෝ ද, මේ නරකයේ ඉපිද කෝටි සංඛ්‍යාත අවුරුදු පෙළෙති.
මෙය වනාහි ගිජුලිහිණින් හා කවුඩන් ලවා කවා වදදෙන නිරයකි. එහි දිග පළල ආදිය පෙරමෙනි. ලොහො තුඩු ඇති මහා ගැල් පමණ ශරීර ඇති ගිජුලිහිණීහු ද එසේම ගවු දිග ගිනි සිළුමෙන් දිළිසෙන තුඩු හා පියාපත් ඇති යොදුන් පමණ මහත උකුස්සෝ ද, නිරිසතුන්ගේ සම් මස් නහර කඩා හඬව හඬවා වධ දෙති. ආහාර පාන ආදී කිසිවක් කිසිවෙකුට නොදෙන ලද තද මසුරෝ ද, සිල්වතුන්ට දෙන දන් වැළැක්වූවෝ ද, අන් සතු ඉඩම් බලහත්කාරයෙන් හෝ ප්‍රයෝගයෙන් පැහැර ගෙන කෑවෝ ද, මේ නරකයේ ඉපිද කෝටි සංඛ්‍යාත අවුරුදු පෙළෙති.
සත්තිසුල නරකය
මෙහි ද දිග පළල ආදිය පෙර මෙනි. මෙහි උපදින නිරිසතුන්ගේ උස තුන් ගව්වකි. යම පල්ලෝ ගිනිගෙන ඇවිලෙන ආයුධ ගෙන ඔවුන්ට අනිති. කොටති. ගිනිගෙන ඇවිලෙන අයෝමය පර්වතයට නැගී ඒ නිරිසත්තු වාත වේගයෙන් පෙරළී අයෝමය පතුලට හිස යටිකුරුව පා උඩුකුරුව වැටෙත්. එහි ගිනිගෙන ඇවිලෙන යවුල්වල ඇමිණී වද විඳිත්. සිල්වතුන් හා ඌරන් මුවන් විඳ මැරුවෝ මෙම නරකයේ උපදිත්. තවද එක්තරා තාපස කෙනෙකු විද මැරූ රජෙක් මෙහි ඉපද දුක් විඳී. මෙහි ආයු කල්ප ගණනකි.
මෙහි ද දිග පළල ආදිය පෙර මෙනි. මෙහි උපදින නිරිසතුන්ගේ උස තුන් ගව්වකි. යම පල්ලෝ ගිනිගෙන ඇවිලෙන ආයුධ ගෙන ඔවුන්ට අනිති. කොටති. ගිනිගෙන ඇවිලෙන අයෝමය පර්වතයට නැගී ඒ නිරිසත්තු වාත වේගයෙන් පෙරළී අයෝමය පතුලට හිස යටිකුරුව පා උඩුකුරුව වැටෙත්. එහි ගිනිගෙන ඇවිලෙන යවුල්වල ඇමිණී වද විඳිත්. සිල්වතුන් හා ඌරන් මුවන් විඳ මැරුවෝ මෙම නරකයේ උපදිත්. තවද එක්තරා තාපස කෙනෙකු විද මැරූ රජෙක් මෙහි ඉපද දුක් විඳී. මෙහි ආයු කල්ප ගණනකි.
චග්ග සිර නරකය
දිග පළල ආදිය පෙරමෙනි. මෙහි යමපල්ලෝ නිරිසතුන් ගිනිගෙන දිළිසෙන තියුණු මුවහත් ඇති කඩුවලින් කපත්, තව ද පෙර මාතංග නම් සෘද්ධිමත් තාපසයෙකු හිස සිඳ පාපයෙන් මෙධ්‍ය නම් රජතෙම නුවර වැස්සන් සමඟ මෙහි ඉපිද දුක් විඳියි.
දිග පළල ආදිය පෙරමෙනි. මෙහි යමපල්ලෝ නිරිසතුන් ගිනිගෙන දිළිසෙන තියුණු මුවහත් ඇති කඩුවලින් කපත්, තව ද පෙර මාතංග නම් සෘද්ධිමත් තාපසයෙකු හිස සිඳ පාපයෙන් මෙධ්‍ය නම් රජතෙම නුවර වැස්සන් සමඟ මෙහි ඉපිද දුක් විඳියි.
සිනි කරච්ඡ නරකය
හෙවත් තිරකය නම් නරකය, දිග පළල ආදිය පෙර මෙනි. මේ නරකය ව්‍යාඝ්‍රයන්ගෙන් හා වලසුන්ගෙන් ගැවසී ගන්නා ලද්දකි. ඔවුන්ගේ ඇස් රථ රෝද මෙනි. දළ ගවු පමණ දිගය. වල්ගා නාඹු තල් කඳන් හා සමානය. මෙබඳු ස්වරූප ව්‍යාඝ්‍රයන් ගෙන් පිරුණ මෙම නරකයේ පැසෙන නිරිසතුන් වටකරගෙන ඔවුහු මස් කඩ කඩා කති. ලුහුබැඳ එලවා ගොස් පැන පැන ඇස්, කන්, මස්, නහර උදුරා කමින් වදදෙති. මෙහි උපදින්නෝ නම් දාගැබ් විහාරාරාම ආදිය කරවම්හයි සම්මාදම් කොට ස්වකීය කටයුතු කරගනිමින් ඒවා පැහැර හැරියෝ ද එසේ සම්මාදම් කොට එයින් කොටසක් පැහැර ගත්තෝ ද යන මොවුහුයි.
හෙවත් තිරකය නම් නරකය, දිග පළල ආදිය පෙර මෙනි. මේ නරකය ව්‍යාඝ්‍රයන්ගෙන් හා වලසුන්ගෙන් ගැවසී ගන්නා ලද්දකි. ඔවුන්ගේ ඇස් රථ රෝද මෙනි. දළ ගවු පමණ දිගය. වල්ගා නාඹු තල් කඳන් හා සමානය. මෙබඳු ස්වරූප ව්‍යාඝ්‍රයන් ගෙන් පිරුණ මෙම නරකයේ පැසෙන නිරිසතුන් වටකරගෙන ඔවුහු මස් කඩ කඩා කති. ලුහුබැඳ එලවා ගොස් පැන පැන ඇස්, කන්, මස්, නහර උදුරා කමින් වදදෙති. මෙහි උපදින්නෝ නම් දාගැබ් විහාරාරාම ආදිය කරවම්හයි සම්මාදම් කොට ස්වකීය කටයුතු කරගනිමින් ඒවා පැහැර හැරියෝ ද එසේ සම්මාදම් කොට එයින් කොටසක් පැහැර ගත්තෝ ද යන මොවුහුයි.
සීත නරකය
මෙහි දිග පළල යොදුන් තුන් සියය බැගිනි. යපවුර හා යපියන නව යොදුන්ය. මේ නරකය කසාවත් බලවත් සීත ජලයෙන් පිරුනේ ය. මෙහි පවත්නා සීතලේ අධිකතාවය කෙබඳු ද යත්, නව යොදුන් යකබල සිදුරු කරගෙන මුදුණෙන් පිටවෙමින් යොදුන් සාර සියක් උඩ නගී. ඊර්ෂ්‍යා ක්‍රෝධ හේතුකොට ගෙන අනුන්ගේ යස ඉසුරු නැසුවෝ ද මහණ බමුණන්ට දීගෙන ආ දන් වැටුප් බිඳ දැමූ අශ්‍රධාවන්තයෝ ද මෙහි ඉපිද පැසෙත්.
මෙහි දිග පළල යොදුන් තුන් සියය බැගිනි. යපවුර හා යපියන නව යොදුන්ය. මේ නරකය කසාවත් බලවත් සීත ජලයෙන් පිරුනේ ය. මෙහි පවත්නා සීතලේ අධිකතාවය කෙබඳු ද යත්, නව යොදුන් යකබල සිදුරු කරගෙන මුදුණෙන් පිටවෙමින් යොදුන් සාර සියක් උඩ නගී. ඊර්ෂ්‍යා ක්‍රෝධ හේතුකොට ගෙන අනුන්ගේ යස ඉසුරු නැසුවෝ ද මහණ බමුණන්ට දීගෙන ආ දන් වැටුප් බිඳ දැමූ අශ්‍රධාවන්තයෝ ද මෙහි ඉපිද පැසෙත්.
අඟුරු මැල නරකය
මෙහි දිග පළල පනන් පනස් යොදුන, යපවුර හා යකබල නව නව යොදුන, මෙය ගිනි ගෙන බුර බුරා ඇවිලෙන ළංවිය නොහැකි මහා ගිනි අඟුරු ගොඩකි. එහි උපන් නිරිසත්තු කර්ම බලයෙන් තුමූම ඒ ගිනි අඟුරු දොහොතින් ගෙන හිස පිට විසුරුවත්. එයින් දැවී තැවි තැවී මහ හඬින් හඬ හඬා එහා මෙහා එම අඟුරු ගොඩේම දුව පැනයති. මෙසේ දුක් විඳින නිරිසත්තු නම් සතුන් මරා පුළුස්සා කෑවෝ ද, විහාරාමාදිය හා අනුන්ගේ පැල්පත් ගිනි තැබුවෝ ද, ගිනියම් යකඩ ආදියෙන් සතුන් පුළුස්සා වධ වේදනා දුන්නෝ ද වෙත්. කර්ම විපාකයෙන් ඉපිද ඉපිද ඔවුහු කල්ප ගණනක් මෙම නරකයේ පැසෙත්.
මෙහි දිග පළල පනන් පනස් යොදුන, යපවුර හා යකබල නව නව යොදුන, මෙය ගිනි ගෙන බුර බුරා ඇවිලෙන ළංවිය නොහැකි මහා ගිනි අඟුරු ගොඩකි. එහි උපන් නිරිසත්තු කර්ම බලයෙන් තුමූම ඒ ගිනි අඟුරු දොහොතින් ගෙන හිස පිට විසුරුවත්. එයින් දැවී තැවි තැවී මහ හඬින් හඬ හඬා එහා මෙහා එම අඟුරු ගොඩේම දුව පැනයති. මෙසේ දුක් විඳින නිරිසත්තු නම් සතුන් මරා පුළුස්සා කෑවෝ ද, විහාරාමාදිය හා අනුන්ගේ පැල්පත් ගිනි තැබුවෝ ද, ගිනියම් යකඩ ආදියෙන් සතුන් පුළුස්සා වධ වේදනා දුන්නෝ ද වෙත්. කර්ම විපාකයෙන් ඉපිද ඉපිද ඔවුහු කල්ප ගණනක් මෙම නරකයේ පැසෙත්.
දළ කෙස් මැලි නරකය
මෙහි දිග පළල ගැඹුර තුන් සිය යොදුන, යපවුර හා යකබල නව නව යොදුන. මෙහි යමපල්ලන් වශයෙන් නිරිසතුන්ට දුක් දෙන්නෝ කපුටෝ හා උකුස්සෝය. කපුටුවෙකුගේ ප්‍රමාණය බඳ යොදුනක් පමණ මහතය. තුඩ ගවු පමණ දිගය. කකුල් ගල් පමණ දිගය. පියාපත් ගල් පමණය. උකුස්සෙක් විශාල ඇතෙකුට සමානය. මෙබඳු නෙරයික කපුටෝ හා උකුස්සෝ එම නිරයේ ඉපිද ගින්නෙන් දදා පැසි පැසී දුක් විඳින නිරි සතුන් හඬව හඬවා ගවු පමණ තුඩින් ඇස් මස් නහර ඇට උගුල්ලා කති. යළිත් ඔවුහු කර්ම බලයෙන් ඉපිද ඉපිද ආයු ඇතිතාක් දුක් විඳිති.
මෙහි ඉපිද දුක් විඳින්නෝ නම්, හොර තරාදි පඩි ආදියෙන් බඩු විකුණුවෝ ද, හොර ලාස් සේරු ආදියෙන් ධාන්‍ය මැන්නෝ ද, රිදී රත්තරන් ය කියා තඹ පිත්තල ආදී ලෝහයෙන් කළ බඩු විකුණුවෝ ද, නො වටිනා දේ වටිනාකම වර්ණනා කළෝ ද වෙත්. මෙහි ආයු කල්ප ගණනින් ප්‍රමාණ වේ.
මෙහි දිග පළල ගැඹුර තුන් සිය යොදුන, යපවුර හා යකබල නව නව යොදුන. මෙහි යමපල්ලන් වශයෙන් නිරිසතුන්ට දුක් දෙන්නෝ කපුටෝ හා උකුස්සෝය. කපුටුවෙකුගේ ප්‍රමාණය බඳ යොදුනක් පමණ මහතය. තුඩ ගවු පමණ දිගය. කකුල් ගල් පමණ දිගය. පියාපත් ගල් පමණය. උකුස්සෙක් විශාල ඇතෙකුට සමානය. මෙබඳු නෙරයික කපුටෝ හා උකුස්සෝ එම නිරයේ ඉපිද ගින්නෙන් දදා පැසි පැසී දුක් විඳින නිරි සතුන් හඬව හඬවා ගවු පමණ තුඩින් ඇස් මස් නහර ඇට උගුල්ලා කති. යළිත් ඔවුහු කර්ම බලයෙන් ඉපිද ඉපිද ආයු ඇතිතාක් දුක් විඳිති.
මෙහි ඉපිද දුක් විඳින්නෝ නම්, හොර තරාදි පඩි ආදියෙන් බඩු විකුණුවෝ ද, හොර ලාස් සේරු ආදියෙන් ධාන්‍ය මැන්නෝ ද, රිදී රත්තරන් ය කියා තඹ පිත්තල ආදී ලෝහයෙන් කළ බඩු විකුණුවෝ ද, නො වටිනා දේ වටිනාකම වර්ණනා කළෝ ද වෙත්. මෙහි ආයු කල්ප ගණනින් ප්‍රමාණ වේ.
පොකුරුපත් නරකය.
මෙහි දිග පළල ගැඹුර සාරසිය සාරසිය යොදුන. අයෝමය පවුර හා පියන නව නව යොදුන, මෙහි යමපල්ලන් මෙන් වධ දෙන්නෝ නෙරයික කිනිතුල්ලෝය. ඔවුන්ගේ බඳ දෙගවු පමණය. දත් හා කකුල් ගවු පමණය. මොවුහු මෙහි ඉපිද නිරාදුකෙන් පැසෙන්නන්ගේ සම් මස් ඇට නහර උදුර උදුරා කඩ කඩා අඬව අඬවා බිඳ කති. එහෙත් එම නිරිසත්තු ආයු ඇති තාක් කර්ම වේගයෙන් මැරි මැරී ඉපිද ඉපිද වෙසෙත්. මෙහි ඉපිද දුක් විඳින්නෝ නම් සිල්වත් ගුණවත් මව්පිය ගුරුවර මහණ බමුණු නැදි මයිල් ආදීන්ට ආක්‍රෝශ පරිභව කළෝ, ඔවුන් දැක හුනස්නෙන් නො නැගිටියෝ, කේලාම් කියා ඔවුනොවුන් බිඳවූවෝ ද වෙත්. මෙහි ආයුෂ ද කල්ප ගණනකි.
මෙහි දිග පළල ගැඹුර සාරසිය සාරසිය යොදුන. අයෝමය පවුර හා පියන නව නව යොදුන, මෙහි යමපල්ලන් මෙන් වධ දෙන්නෝ නෙරයික කිනිතුල්ලෝය. ඔවුන්ගේ බඳ දෙගවු පමණය. දත් හා කකුල් ගවු පමණය. මොවුහු මෙහි ඉපිද නිරාදුකෙන් පැසෙන්නන්ගේ සම් මස් ඇට නහර උදුර උදුරා කඩ කඩා අඬව අඬවා බිඳ කති. එහෙත් එම නිරිසත්තු ආයු ඇති තාක් කර්ම වේගයෙන් මැරි මැරී ඉපිද ඉපිද වෙසෙත්. මෙහි ඉපිද දුක් විඳින්නෝ නම් සිල්වත් ගුණවත් මව්පිය ගුරුවර මහණ බමුණු නැදි මයිල් ආදීන්ට ආක්‍රෝශ පරිභව කළෝ, ඔවුන් දැක හුනස්නෙන් නො නැගිටියෝ, කේලාම් කියා ඔවුනොවුන් බිඳවූවෝ ද වෙත්. මෙහි ආයුෂ ද කල්ප ගණනකි.
අළු කුඹු නරකය
පාතාලයේ සිට සක්වළ මුවවිටතෙක් ගිනි ගෙන දදා පිරුණු උණු අළුවලින් ගැවසීගත් මෙම නිරය, දිග පළල ගැඹුර පන්සිය පන්සිය යොදුන. යපවුර හා යපියන නව නව යොදුන, මෙහි උපදින නිරිසත්හු එම ගිනිගෙන දිලිසෙන උණු අළුවෙන් දදා උඩයට කිමිදමින් සරසව ගමන් කරමින් ආයු ඇතිතාක් මැරෙමින් උපදිමින් දුක් විඳිත්. මෙහි ඉපිද දුක් විඳින්නෝ නම් වස විස කා, කර වැල්ලා, කඩු, තුවක්කු ආදියෙන් දිවි තොරකර ගත්තෝ ද, පෝදා කිළුටු වස්ත්‍ර වෙල්ලාවේ යොදා තැම්බුවෝ ද, පෝදා තොටට ගොස් ඇපුල්ලුවෝ ද, එසේම සතුන් නසන අවි ආයුධ සාදා දුන්නෝ ද, තමා ඔසප් වූ කල ස්වාමි පුරුෂයාට නො දැන් වූ මාගම්මු ද, කුසධත් දරුවන් මැරීමට හෝ දරුවන් නොලැබීමට විෂ බෙහෙත් ආදිය අනුභවය කළෝ හා කරැවුවෝ ද වෙත්.
පාතාලයේ සිට සක්වළ මුවවිටතෙක් ගිනි ගෙන දදා පිරුණු උණු අළුවලින් ගැවසීගත් මෙම නිරය, දිග පළල ගැඹුර පන්සිය පන්සිය යොදුන. යපවුර හා යපියන නව නව යොදුන, මෙහි උපදින නිරිසත්හු එම ගිනිගෙන දිලිසෙන උණු අළුවෙන් දදා උඩයට කිමිදමින් සරසව ගමන් කරමින් ආයු ඇතිතාක් මැරෙමින් උපදිමින් දුක් විඳිත්. මෙහි ඉපිද දුක් විඳින්නෝ නම් වස විස කා, කර වැල්ලා, කඩු, තුවක්කු ආදියෙන් දිවි තොරකර ගත්තෝ ද, පෝදා කිළුටු වස්ත්‍ර වෙල්ලාවේ යොදා තැම්බුවෝ ද, පෝදා තොටට ගොස් ඇපුල්ලුවෝ ද, එසේම සතුන් නසන අවි ආයුධ සාදා දුන්නෝ ද, තමා ඔසප් වූ කල ස්වාමි පුරුෂයාට නො දැන් වූ මාගම්මු ද, කුසධත් දරුවන් මැරීමට හෝ දරුවන් නොලැබීමට විෂ බෙහෙත් ආදිය අනුභවය කළෝ හා කරැවුවෝ ද වෙත්.
කිහිරඟුරු නරකය
දිග පළල ගැඹුර සත් සත් සිය යොදුනය. යපවුර හා යකබල නව නව යොදුන. මේ නරකය ඉතා සියුම් කොන්ත මූණ වැනි යොදුන් පමණ දික් වූ කටුයෙන් යුක්තය. එම කටුයෙන් නගින ගිනි දැල් නිරය සිසාරා යපියන සිදුරු කරමින් උඩට නැග සියක් යොදුන බුර බුරා පැතිර පවතී.
සමහර නිරිසත්තු මෙහි ගිනිගත් නඟුල්, වියදඬු, කෙවිටි, හී වැල් ඉස තබාගෙන මහ හඬින් මුර ගා යමින් හඬ හඬා රෑ දවල් තොර නැතුව වැළපෙති. සමහර නිරිසත්තු එම කටුවල ඇමිනී ඊ මතුයේ පැසෙති. එම ස්ථානයෙන් යන සමහර නිරිසත්තු දිව හයා පැදුරු කඩ සේ නමා දෙපට තුන්පට කොට තමා ඉස තබා ගෙන එම කටුයේ ඇනී වැළපෙති.
සමහරු ගවු පමණ උස ඇති ගිනි ගෙන ඇවිලෙන කදුරු රුක් ඉස තබා ගෙන මහ හඬින් වැළපි වැළපී පෙළෙති. සමහරු ගිනිගත් ලෝ දිය බඳුන් ඉස තබාගෙන හඬ හඬා වැළපෙති. මෙසේ දුක් විඳිමින් පැසෙන්නෝ නම් කලට වේලාවට හරකුන්ට තණ පැන් නොදී ඔවුන්ගෙන් වැඩ ගත්තෝ ද, දබරකොට දිව ඇද කා මළෝ ද, විෂ වර්ග කදුරු වර්ග කා මලෝ ද යනාදීහු වෙති. මෙහි ද ආයු පමණ නැත.
දිග පළල ගැඹුර සත් සත් සිය යොදුනය. යපවුර හා යකබල නව නව යොදුන. මේ නරකය ඉතා සියුම් කොන්ත මූණ වැනි යොදුන් පමණ දික් වූ කටුයෙන් යුක්තය. එම කටුයෙන් නගින ගිනි දැල් නිරය සිසාරා යපියන සිදුරු කරමින් උඩට නැග සියක් යොදුන බුර බුරා පැතිර පවතී.
සමහර නිරිසත්තු මෙහි ගිනිගත් නඟුල්, වියදඬු, කෙවිටි, හී වැල් ඉස තබාගෙන මහ හඬින් මුර ගා යමින් හඬ හඬා රෑ දවල් තොර නැතුව වැළපෙති. සමහර නිරිසත්තු එම කටුවල ඇමිනී ඊ මතුයේ පැසෙති. එම ස්ථානයෙන් යන සමහර නිරිසත්තු දිව හයා පැදුරු කඩ සේ නමා දෙපට තුන්පට කොට තමා ඉස තබා ගෙන එම කටුයේ ඇනී වැළපෙති.
සමහරු ගවු පමණ උස ඇති ගිනි ගෙන ඇවිලෙන කදුරු රුක් ඉස තබා ගෙන මහ හඬින් වැළපි වැළපී පෙළෙති. සමහරු ගිනිගත් ලෝ දිය බඳුන් ඉස තබාගෙන හඬ හඬා වැළපෙති. මෙසේ දුක් විඳිමින් පැසෙන්නෝ නම් කලට වේලාවට හරකුන්ට තණ පැන් නොදී ඔවුන්ගෙන් වැඩ ගත්තෝ ද, දබරකොට දිව ඇද කා මළෝ ද, විෂ වර්ග කදුරු වර්ග කා මලෝ ද යනාදීහු වෙති. මෙහි ද ආයු පමණ නැත.
‘බුදු දහමෙහි අපාය සංකල්පය’ – ලිපි මාලා අංක – 08
සසර වසන තුරු අපා දුක එපා
‘බුදුදහමෙහි අපාය සංකල්පය ලිපි මාලාව යටතේ අපායයන්ගේ විවිධ ස්වභාවයන් පිළිබඳ පසුගිය ලිපි කිහිපයේ ම සාකච්ඡා කෙරුණි. මෙවර ද අප සාකච්ඡා කරන්නේ එවැනි විවිධ දුක්ඛිත ස්වභාවයන් ඇති තවත් අපායයන් කිහිපයක් පිළිබඳවය. විශේෂයෙන් සතුන් මරන්නන් උපදින අපායයන්ගේ ස්වභාවයන් පිළිබඳවය.
‘බුදුදහමෙහි අපාය සංකල්පය ලිපි මාලාව යටතේ අපායයන්ගේ විවිධ ස්වභාවයන් පිළිබඳ පසුගිය ලිපි කිහිපයේ ම සාකච්ඡා කෙරුණි. මෙවර ද අප සාකච්ඡා කරන්නේ එවැනි විවිධ දුක්ඛිත ස්වභාවයන් ඇති තවත් අපායයන් කිහිපයක් පිළිබඳවය. විශේෂයෙන් සතුන් මරන්නන් උපදින අපායයන්ගේ ස්වභාවයන් පිළිබඳවය.
රෝරුව නරකය
මෙහි දිග යොදුන් දහසක් ද, පළල යොදුන් දහසක් ද, ගැඹුර යොදුන් දහසක් ද වෙයි. මෙහි යකඩ පවුර සහ යකඩ පියන යොදුන් නවය බැගින් වෙයි. මෙහි සිටින යමපල්ලෝ යොදුනක් තරම් උසය. ඔවුන්ගේ ලොම් හා නිය ගව්වක් පමණ වෙයි. බඩ හා රැවුල අසූ රියන් පමණවෙයි. රිය සකක් හා පමණ ඇස් ඇති අතර දුටුවන් බියවන රත්පැහැ වූයේ වෙයි. ඔවුහු ගිනිගෙන දැවෙන දොර පලු හා සමාන වෑ - පොරෝ - කෙටේරි ගෙන නිරිසතුන් කපති. සසිති. පොළොවෙහි හෙලූ කඳන් කපා වෙන් කරන්නාක් මෙන් නිරි සතුන් කපා කෑලි කෑලිවලට වෙන් කරති. මෙසේ දුක් විඳින්නේ සොර සිතින් චිත්‍රකර්ම, වඩුකර්ම ආදිය කොට වංචාකොට මුදල් ලබාගත් අය හා බුදුපිළිම බණ පොත් ආදිය විකුණා මුදල් ලබාගත් අය මෙන් ම දාගැබ්, පිළිම, කරඬු හොරකම් කළ අය මෙන්ම පිනට යැයි සම්මාදන් කොට කෑවෝ ද මෙහි ඉපිද දුක් විඳිති.
මෙහි දිග යොදුන් දහසක් ද, පළල යොදුන් දහසක් ද, ගැඹුර යොදුන් දහසක් ද වෙයි. මෙහි යකඩ පවුර සහ යකඩ පියන යොදුන් නවය බැගින් වෙයි. මෙහි සිටින යමපල්ලෝ යොදුනක් තරම් උසය. ඔවුන්ගේ ලොම් හා නිය ගව්වක් පමණ වෙයි. බඩ හා රැවුල අසූ රියන් පමණවෙයි. රිය සකක් හා පමණ ඇස් ඇති අතර දුටුවන් බියවන රත්පැහැ වූයේ වෙයි. ඔවුහු ගිනිගෙන දැවෙන දොර පලු හා සමාන වෑ - පොරෝ - කෙටේරි ගෙන නිරිසතුන් කපති. සසිති. පොළොවෙහි හෙලූ කඳන් කපා වෙන් කරන්නාක් මෙන් නිරි සතුන් කපා කෑලි කෑලිවලට වෙන් කරති. මෙසේ දුක් විඳින්නේ සොර සිතින් චිත්‍රකර්ම, වඩුකර්ම ආදිය කොට වංචාකොට මුදල් ලබාගත් අය හා බුදුපිළිම බණ පොත් ආදිය විකුණා මුදල් ලබාගත් අය මෙන් ම දාගැබ්, පිළිම, කරඬු හොරකම් කළ අය මෙන්ම පිනට යැයි සම්මාදන් කොට කෑවෝ ද මෙහි ඉපිද දුක් විඳිති.
සාප නරකය
මෙහි ද දිග පලළ හා ගැඹුර පෙර මෙනි. මෙහි රසදිය වැනි තඹ පැහැති දිය ගින්නෙන් කැකෑරෙමින් පවතියි. මෙහි වසන යොදුන් සියයක් පමණ උස හිස් ඇති යොදුන් පණහක් පමණ දිග උදරය ඇති පණුවන් විශේෂයක් මෙහි වැටෙන නිරි සතුන් කඩ කඩා කති. විශේෂයෙන් මෙහි උපදින්නේ කකුළු ආදි දිය යට වෙසෙන සතුන් මැරූ අය හා සතුන්ගේ හිස් සිඳ මරණයට පත් කළ අය හා එසේ කිරීමට උපදෙස් දුන් අයයි.
මෙහි ද දිග පලළ හා ගැඹුර පෙර මෙනි. මෙහි රසදිය වැනි තඹ පැහැති දිය ගින්නෙන් කැකෑරෙමින් පවතියි. මෙහි වසන යොදුන් සියයක් පමණ උස හිස් ඇති යොදුන් පණහක් පමණ දිග උදරය ඇති පණුවන් විශේෂයක් මෙහි වැටෙන නිරි සතුන් කඩ කඩා කති. විශේෂයෙන් මෙහි උපදින්නේ කකුළු ආදි දිය යට වෙසෙන සතුන් මැරූ අය හා සතුන්ගේ හිස් සිඳ මරණයට පත් කළ අය හා එසේ කිරීමට උපදෙස් දුන් අයයි.
පසුඝාත නරකය
මෙහි දිග හා පළල තුන්සිය යොදුන් වෙයි. යකඩයෙන් නිම වූ පවුර හා පියන නව යොදුන් වෙයි. මෙහි වෙසෙන යමපල්ලෝ ගිනිගෙන දිළිසෙන ආයුධ රැගෙන මෙහි වැටෙන නිරිසතුන් කපා කොටා කෑලි කරති. මෙහි ඉපිද දුක් විඳින්නේ හරක්, ඌරන් ආදි සතුන් විවිධ අවිආයුධවලින් මරා මස් කොට කෑ අයයි. මෙහි ආයුෂ ප්‍රමාණ කළ නොහැක.
මෙහි දිග හා පළල තුන්සිය යොදුන් වෙයි. යකඩයෙන් නිම වූ පවුර හා පියන නව යොදුන් වෙයි. මෙහි වෙසෙන යමපල්ලෝ ගිනිගෙන දිළිසෙන ආයුධ රැගෙන මෙහි වැටෙන නිරිසතුන් කපා කොටා කෑලි කරති. මෙහි ඉපිද දුක් විඳින්නේ හරක්, ඌරන් ආදි සතුන් විවිධ අවිආයුධවලින් මරා මස් කොට කෑ අයයි. මෙහි ආයුෂ ප්‍රමාණ කළ නොහැක.
මංසපේසී නරකය
මෙහි දිග හා පළල ද තුන්සිය යොදුන් වෙයි. යකඩ පවුරු හා යකඩ පියන ද පෙර මෙන් නව යොදුන් පමණ වෙයි. මෙහි උපන් නිරිසතුන් ඇටයෙන් තොර මසින් පමණක් පිරුණේ වෙයි. මෙසේ මේ නිරයේ වැටෙන සතුන් යක්ෂයන් වැනි ගිජු ලිහිණියන් හා උකුස්සන් විසින් තියුණු යකඩ වැනි වූ හොටවලින් ඇද ඇද කඩා කති. නැවතත් ඒ නිරි සතුන් කර්ම බලයෙන් එහිම උපදිති. නැවතත් පෙර පරිදි ගිජු ලිහිණියන් හා උකුස්සන් විසින් ඔවුන් කඩා කති. මෙහි උපදින්නේ සතුන් මරා මස්කොට වැල් බැඳගෙන ගොස් විකුණා ජීවත් වූ අයයි.
මෙහි දිග හා පළල ද තුන්සිය යොදුන් වෙයි. යකඩ පවුරු හා යකඩ පියන ද පෙර මෙන් නව යොදුන් පමණ වෙයි. මෙහි උපන් නිරිසතුන් ඇටයෙන් තොර මසින් පමණක් පිරුණේ වෙයි. මෙසේ මේ නිරයේ වැටෙන සතුන් යක්ෂයන් වැනි ගිජු ලිහිණියන් හා උකුස්සන් විසින් තියුණු යකඩ වැනි වූ හොටවලින් ඇද ඇද කඩා කති. නැවතත් ඒ නිරි සතුන් කර්ම බලයෙන් එහිම උපදිති. නැවතත් පෙර පරිදි ගිජු ලිහිණියන් හා උකුස්සන් විසින් ඔවුන් කඩා කති. මෙහි උපදින්නේ සතුන් මරා මස්කොට වැල් බැඳගෙන ගොස් විකුණා ජීවත් වූ අයයි.
සාකුණික නරකය
මෙහි දිග පළල හා ගැඹුර යොදුන් සාර සියයකි. මෙහි යොදුන් නවයක් පමණ ඝනකමින් හා දිගින් යුත් යකඩ කබලක් වෙයි. මෙම කබල ගින්නෙන් රත් වී නිරන්තරයෙන් දිළිසෙමින් පවතී. මෙහි වැටෙන නිරිසතුන් ගින්දරට ළංකළ ගිතෙල් මෙන් මස් දිය වී යයි. අකුසල කර්මය ගෙවී යන තෙක් නැවතත් උපදියි. නැවතත් පෙර සේ ම යකඩ කබලේ වැටී ගිතෙල් මෙන් දිය වී යයි. මෙහි උපදින්නේ අතුවැටි ගසා, උගුල් අටවා දැල්, කෙමි, මළපුඬු ආදියෙන් සතුන් මරා මස්කොට විකුණාගෙන කෑ අයයි.
මෙහි දිග පළල හා ගැඹුර යොදුන් සාර සියයකි. මෙහි යොදුන් නවයක් පමණ ඝනකමින් හා දිගින් යුත් යකඩ කබලක් වෙයි. මෙම කබල ගින්නෙන් රත් වී නිරන්තරයෙන් දිළිසෙමින් පවතී. මෙහි වැටෙන නිරිසතුන් ගින්දරට ළංකළ ගිතෙල් මෙන් මස් දිය වී යයි. අකුසල කර්මය ගෙවී යන තෙක් නැවතත් උපදියි. නැවතත් පෙර සේ ම යකඩ කබලේ වැටී ගිතෙල් මෙන් දිය වී යයි. මෙහි උපදින්නේ අතුවැටි ගසා, උගුල් අටවා දැල්, කෙමි, මළපුඬු ආදියෙන් සතුන් මරා මස්කොට විකුණාගෙන කෑ අයයි.
ඕරම්භික නරකය
මෙහි දිග, පළල හා ගැඹුර පෙර මෙනි. මෙහි යමපල්ලන් වෙනුවට සිටින්නේ යකඩ වන් තියුණු හොට ඇති උකුස්සන් හා ගිජුලිහිණියන්ය. මෙහි මස්ගොඩවල් මෙන් වැටී සිටින නිරිසතුන්ගේ ගෙල සිඳ ක්ෂණයකින් උකුස්සන්ගේ හා ගිජු ලිහිණියන්ගේ ගොදුරු බවට පත්කර ගනිති. මෙහි උපදින්නේ බොටුව මිරිකා ගල් ආදිය බැඳ සතුන් මරා මස් කොට විකුණා ජීවත් වූ අයයි.
මෙහි දිග, පළල හා ගැඹුර පෙර මෙනි. මෙහි යමපල්ලන් වෙනුවට සිටින්නේ යකඩ වන් තියුණු හොට ඇති උකුස්සන් හා ගිජුලිහිණියන්ය. මෙහි මස්ගොඩවල් මෙන් වැටී සිටින නිරිසතුන්ගේ ගෙල සිඳ ක්ෂණයකින් උකුස්සන්ගේ හා ගිජු ලිහිණියන්ගේ ගොදුරු බවට පත්කර ගනිති. මෙහි උපදින්නේ බොටුව මිරිකා ගල් ආදිය බැඳ සතුන් මරා මස් කොට විකුණා ජීවත් වූ අයයි.
අසිලෝම නරකය
මෙහි දිග, පළල හා ගැඹුර පෙර මෙනි. මෙහි උපදින නිරිසතුන්ගේ ශරීරයේ රෝමයන් දෙපැත්තම මුවහත් තියුණු අසිපත් මෙනි. ක්ෂණකින් අසිපත් වන් එම රෝම කූපයන් අහසට නැගී ඒ ඒ නිරිසතුන්ම කපා විනාශයට පත් කරයි. මෙසේ මෙහි දුක් විඳින්නේ ඌරන්, එළුවන් වැනි සතුන් කඩුවලින් කපා මැරූ අයයි.
මෙහි දිග, පළල හා ගැඹුර පෙර මෙනි. මෙහි උපදින නිරිසතුන්ගේ ශරීරයේ රෝමයන් දෙපැත්තම මුවහත් තියුණු අසිපත් මෙනි. ක්ෂණකින් අසිපත් වන් එම රෝම කූපයන් අහසට නැගී ඒ ඒ නිරිසතුන්ම කපා විනාශයට පත් කරයි. මෙසේ මෙහි දුක් විඳින්නේ ඌරන්, එළුවන් වැනි සතුන් කඩුවලින් කපා මැරූ අයයි.
සත්තිලෝම නරකය
මෙහි දිග, පළල හා ගැඹුර පෙර මෙනි. මෙහි උපන් නිරි සතුන් ගව්වක් පමණ උසය. ශරීරය තියුණු ආයුධ වැනි රෝම කූපයන්ගෙන් යුක්තය. කර්ම බලයෙන් ක්ෂණයකින් අහසට නගින් එම රෝම කූපයන් ආපසු අවුත් ඔවුන්ගේ ශරීරමත වැටී කැපී කෑලි කෑලි බවට පත් කරයි. කර්ම බලයෙන් නැවතත් ශරීරය එකට වෙයි. මෙහි උපදින්නේ දඩයමට ගොස් තියුණු ආයුධවලින් ඇන සතුන් මැරූ අයයි.
මෙහි දිග, පළල හා ගැඹුර පෙර මෙනි. මෙහි උපන් නිරි සතුන් ගව්වක් පමණ උසය. ශරීරය තියුණු ආයුධ වැනි රෝම කූපයන්ගෙන් යුක්තය. කර්ම බලයෙන් ක්ෂණයකින් අහසට නගින් එම රෝම කූපයන් ආපසු අවුත් ඔවුන්ගේ ශරීරමත වැටී කැපී කෑලි කෑලි බවට පත් කරයි. කර්ම බලයෙන් නැවතත් ශරීරය එකට වෙයි. මෙහි උපදින්නේ දඩයමට ගොස් තියුණු ආයුධවලින් ඇන සතුන් මැරූ අයයි.
උසුලෝම නරකය
මෙහි දිග, පළල හා ගැඹුර පෙර මෙනි. මෙහි ද උපන් නිරි සතුන් ගව්වක් පමණ උසය. ඔවුන්ගේ ශරීරය පුරාවට ඇත්තේ ඊතල මෙන් තියුණු උල් ඇති රෝම කූපයන් ය. කර්ම බලයෙන් ක්ෂණයකින් අහසට නගිත් එම රෝම කූපයන් ආපසු අවුත් ඔවුන්ගේ ශරීරමත වැටී ඇනී ඔවුන්ගේ ශරීර පෙනේරයක් මෙන් සිදුරු කරයි. මෙහි උපදින්නේ ඊතලවලින් විද සතුන් මැරූ අයයි.
මෙහි දිග, පළල හා ගැඹුර පෙර මෙනි. මෙහි ද උපන් නිරි සතුන් ගව්වක් පමණ උසය. ඔවුන්ගේ ශරීරය පුරාවට ඇත්තේ ඊතල මෙන් තියුණු උල් ඇති රෝම කූපයන් ය. කර්ම බලයෙන් ක්ෂණයකින් අහසට නගිත් එම රෝම කූපයන් ආපසු අවුත් ඔවුන්ගේ ශරීරමත වැටී ඇනී ඔවුන්ගේ ශරීර පෙනේරයක් මෙන් සිදුරු කරයි. මෙහි උපදින්නේ ඊතලවලින් විද සතුන් මැරූ අයයි.
රථාචාර්යක නරකය
මෙහි දිග, පළල හා ගැඹුර පෙර මෙනි. මෙහි වැටෙන නිරිසතුන් එහි අතුරු සිදුරු නැතිව පවතින ඉඳිකටු තුඩ වැනි මුවහත් උල් ඇනී බලවත් වේදනාවට පත්වෙයි. මෙසේ ඇනෙන සමහර උල් ඔවුන්ගේ සිරුර පසාරුකරගෙන යයි. මේ නරකයේ ඉපිද දුවිඳින්නේ ඇතුන් අසුන් ගවයන් හික්මවීම සඳහා ද්වේෂයෙන් කෙවිටෙන් තලා පෙලා වධ දුන් අයයි.
මෙහි දිග, පළල හා ගැඹුර පෙර මෙනි. මෙහි වැටෙන නිරිසතුන් එහි අතුරු සිදුරු නැතිව පවතින ඉඳිකටු තුඩ වැනි මුවහත් උල් ඇනී බලවත් වේදනාවට පත්වෙයි. මෙසේ ඇනෙන සමහර උල් ඔවුන්ගේ සිරුර පසාරුකරගෙන යයි. මේ නරකයේ ඉපිද දුවිඳින්නේ ඇතුන් අසුන් ගවයන් හික්මවීම සඳහා ද්වේෂයෙන් කෙවිටෙන් තලා පෙලා වධ දුන් අයයි.
ලිපි මාලා අංක – 09
මෙවර ලිපියෙන් තවත් අපායයන් කිහිපයක් පිළිබඳ සාකච්ඡා කරන්නෙමු. මෙහි පළමුවැන්න සූචක නරකයයි.
මෙවර ලිපියෙන් තවත් අපායයන් කිහිපයක් පිළිබඳ සාකච්ඡා කරන්නෙමු. මෙහි පළමුවැන්න සූචක නරකයයි.
සූචක නරකය
මෙහි දිග, පළල හා ගැඹුර පෙර මෙනි. මෙහි උපදින නිරිසතුන්ට යමපල්ලන් විසින් ගිනිගෙන දිළිසෙන ඉඳිකටුවැනි උල් ඇති ආයුධවලින් අනිති. කට ඇර ලෝදිය වත් කරති. මෙයින් අපමණ වේදනාවට පත්වන නිරිසතුන් එයින්ම මැරෙති. කර්ම බලයෙන් නැවතත් උපදිති. නැවතත් යමපල්ලන් විසින් එසේ කරති. මෙහි ඉපදී දුක් විඳින්නේ තැන තැන ඇවිද කේලාම් කියා ඔවුනොවුන් භේද කළ අයයි.
මෙහි දිග, පළල හා ගැඹුර පෙර මෙනි. මෙහි උපදින නිරිසතුන්ට යමපල්ලන් විසින් ගිනිගෙන දිළිසෙන ඉඳිකටුවැනි උල් ඇති ආයුධවලින් අනිති. කට ඇර ලෝදිය වත් කරති. මෙයින් අපමණ වේදනාවට පත්වන නිරිසතුන් එයින්ම මැරෙති. කර්ම බලයෙන් නැවතත් උපදිති. නැවතත් යමපල්ලන් විසින් එසේ කරති. මෙහි ඉපදී දුක් විඳින්නේ තැන තැන ඇවිද කේලාම් කියා ඔවුනොවුන් භේද කළ අයයි.
ගාමකුට නරකය
මෙහි දිග යොදුන් තුන්සියයක්ද, පළල යොදුන් තුන්සියයක්ද, ගැඹුර යොදුන් තුන්සියයක්ද වෙයි. මෙහි යකඩ පවුර සහ යකඩ පියන යොදුන් නවය බැගින් වෙයි. මෙහි උපදින නිරිසතුන්ගේ විශේෂත්වයක් වෙයි. එනම් ගව් දෙකක් පමණ උස ඇති මොවුන්ගේ ශරීරයේ එසවීමට නොහැකි තරම් විශාල අණ්ඩයක් පිහිටා තිබීමයි. එසවීමට නොහැකි එම අණ්ඩය කෙසේ හෝ ඔසවාගෙන ඉතා අමාරුවෙන් එහෙ මෙහෙ යන ඔවුන්ගේ ශරීරවල මාංශ ගව්පමණ වන කපුටන් සහ උකුස්සන් විසින් කඩ කඩා කති. ඔවුන්ගේ ඒ විශාල අණ්ඩයද කවුඩන් හා උකුස්සන් විසින් වැලගෙඩි කන්නාක් මෙන් කඩ කඩා, ඉර ඉරා කති. මෙහි ඉපිද අප්‍රමාණ දුක් විඳින්නේ බොරු සාක්ෂි කියා මුදල් උපයාගත් අයයි.
මෙහි දිග යොදුන් තුන්සියයක්ද, පළල යොදුන් තුන්සියයක්ද, ගැඹුර යොදුන් තුන්සියයක්ද වෙයි. මෙහි යකඩ පවුර සහ යකඩ පියන යොදුන් නවය බැගින් වෙයි. මෙහි උපදින නිරිසතුන්ගේ විශේෂත්වයක් වෙයි. එනම් ගව් දෙකක් පමණ උස ඇති මොවුන්ගේ ශරීරයේ එසවීමට නොහැකි තරම් විශාල අණ්ඩයක් පිහිටා තිබීමයි. එසවීමට නොහැකි එම අණ්ඩය කෙසේ හෝ ඔසවාගෙන ඉතා අමාරුවෙන් එහෙ මෙහෙ යන ඔවුන්ගේ ශරීරවල මාංශ ගව්පමණ වන කපුටන් සහ උකුස්සන් විසින් කඩ කඩා කති. ඔවුන්ගේ ඒ විශාල අණ්ඩයද කවුඩන් හා උකුස්සන් විසින් වැලගෙඩි කන්නාක් මෙන් කඩ කඩා, ඉර ඉරා කති. මෙහි ඉපිද අප්‍රමාණ දුක් විඳින්නේ බොරු සාක්ෂි කියා මුදල් උපයාගත් අයයි.
ගූථකූප නරකය
මෙහි ද දිග පළල හා ගැඹුර පෙර මෙනි. මෙහි උපදින නිරිසතුන් යොදුනක් පමණ උසය. මේ නරකය අසූචියෙන් පිරී පවතී. මෙහි වැටෙන නිරිසතුන් හිසතෙක් අසූචියේ එහි ගිලෙන අතර පණුවන් මෙන් අසුචිම කකා ඉවසීමට නොහැකි ගඳ ඇති අසූචියෙහිම ළඟිති. හැසිරෙති. මෙහි උපදින්නේ දෙමාපියන් විසින් රක්නා ලද ස්ත්‍රීන් බලහත්කාරයෙන් දූෂණය කළ අයයි.
මෙහි ද දිග පළල හා ගැඹුර පෙර මෙනි. මෙහි උපදින නිරිසතුන් යොදුනක් පමණ උසය. මේ නරකය අසූචියෙන් පිරී පවතී. මෙහි වැටෙන නිරිසතුන් හිසතෙක් අසූචියේ එහි ගිලෙන අතර පණුවන් මෙන් අසුචිම කකා ඉවසීමට නොහැකි ගඳ ඇති අසූචියෙහිම ළඟිති. හැසිරෙති. මෙහි උපදින්නේ දෙමාපියන් විසින් රක්නා ලද ස්ත්‍රීන් බලහත්කාරයෙන් දූෂණය කළ අයයි.
මීළ්හ ගබ්භ නරකය
මෙහි දිග හා පළල හා උස පෙර මෙනි. මෙහි නිරන්තරයෙන් බඳුනක මෙන් අසූචි පිරී පවතී. එයින් යොදුනක දුර වසන්නෙකුට වුවද එයින් හමන දුර්ගන්ධය ඉවසිය නොහැක. හිස් මොළ පුපුරුවන තරම්ය. මෙහි උපදින නිරිසතුන් එම අසූචි දෑතින්ම ගෙන අනුභව කරති. එහිම ඇලීගැලී සිටිති. මෙහි උපදින්නේ බුද්ධාදී මහරහත් උතුමන් වහන්සේලා හා සිල්වත් භික්ෂූන් වහන්සේලා දානය සඳහා වැඩමවාගෙන ගොස් අපවිත්‍ර දෑ දුන් අය හා උන්වහන්සේලාගේ පිණ්ඩපාතයට ගැරහූ අයයි.
මෙහි දිග හා පළල හා උස පෙර මෙනි. මෙහි නිරන්තරයෙන් බඳුනක මෙන් අසූචි පිරී පවතී. එයින් යොදුනක දුර වසන්නෙකුට වුවද එයින් හමන දුර්ගන්ධය ඉවසිය නොහැක. හිස් මොළ පුපුරුවන තරම්ය. මෙහි උපදින නිරිසතුන් එම අසූචි දෑතින්ම ගෙන අනුභව කරති. එහිම ඇලීගැලී සිටිති. මෙහි උපදින්නේ බුද්ධාදී මහරහත් උතුමන් වහන්සේලා හා සිල්වත් භික්ෂූන් වහන්සේලා දානය සඳහා වැඩමවාගෙන ගොස් අපවිත්‍ර දෑ දුන් අය හා උන්වහන්සේලාගේ පිණ්ඩපාතයට ගැරහූ අයයි.
නිච්ඡවී නරකය
මෙහි දිග පළල හා උස පෙර මෙනි, මෙහි උපන් නිරිසතුන්ගේ උස ගව් දෙකක් පමණ වෙයි. ඔවුන්ගේ හිස සිට පා තෙක් සම හෝ ඇට නොවන අතර හුදු මස්ගොඩක්ම වෙයි. කැකෑරෙන ලෝදිය ඔවුන්ගේ මස්වැදැලිවලට වැදෙන විට ඉවසීමට නොහැකි වේදනාවෙන් කෑ ගසති. රත් වූ යකඩයෙහි වැටෙන විට චිටි චිටි යන හඬින් ඔහුගේ මස්වැදැලි පිපිරෙති. මෙහි උපදින්නේ ස්වකීය ස්වාමිපුරුෂයා සිටියදී ඔහු රවටා පරපුරෂයන් හා ලොල්ව අනාචාරයේ හැසුරුණු ස්ත්‍රීන්ය.
මෙහි දිග පළල හා උස පෙර මෙනි, මෙහි උපන් නිරිසතුන්ගේ උස ගව් දෙකක් පමණ වෙයි. ඔවුන්ගේ හිස සිට පා තෙක් සම හෝ ඇට නොවන අතර හුදු මස්ගොඩක්ම වෙයි. කැකෑරෙන ලෝදිය ඔවුන්ගේ මස්වැදැලිවලට වැදෙන විට ඉවසීමට නොහැකි වේදනාවෙන් කෑ ගසති. රත් වූ යකඩයෙහි වැටෙන විට චිටි චිටි යන හඬින් ඔහුගේ මස්වැදැලි පිපිරෙති. මෙහි උපදින්නේ ස්වකීය ස්වාමිපුරුෂයා සිටියදී ඔහු රවටා පරපුරෂයන් හා ලොල්ව අනාචාරයේ හැසුරුණු ස්ත්‍රීන්ය.
මංගලත්ථික නරකය
මෙහි දිග පළල හා ගැඹුර පෙර මෙනි. මෙහි උපදින නිරිසතුන්ගේ ශරීර ප්‍රමාණය ගව් දෙකක් පමණ වෙයි. මෙයින් නැගෙන දුගඳ ගව් නවයක් පමණ වූ යකඩ පවුරෙන් විනිවිද එන්නේය. ගව් පමණ උසැති ඉදිකටු වැනි යකඩ තුඩ ඇති ගිජුලිහිණියන් හා උකුස්සන් විසින් මෙහි උපන් මෙහි නිරිසතුන්ගේ ශරීර මස් කඩ කඩා කති. මෙහි උපදින්නේ යක්දෙහිකම් (යකැදුරු) කොට දේව පූජා ආදිය පවත්වා තෙරුවන් සරණ ගියවුන් එයින් බිඳවා, රවටා, වාසිගෙන ඔවුන්ට මිථ්‍යා මත ගන්වා අපරාධ කළ අයය.
මෙහි දිග පළල හා ගැඹුර පෙර මෙනි. මෙහි උපදින නිරිසතුන්ගේ ශරීර ප්‍රමාණය ගව් දෙකක් පමණ වෙයි. මෙයින් නැගෙන දුගඳ ගව් නවයක් පමණ වූ යකඩ පවුරෙන් විනිවිද එන්නේය. ගව් පමණ උසැති ඉදිකටු වැනි යකඩ තුඩ ඇති ගිජුලිහිණියන් හා උකුස්සන් විසින් මෙහි උපන් මෙහි නිරිසතුන්ගේ ශරීර මස් කඩ කඩා කති. මෙහි උපදින්නේ යක්දෙහිකම් (යකැදුරු) කොට දේව පූජා ආදිය පවත්වා තෙරුවන් සරණ ගියවුන් එයින් බිඳවා, රවටා, වාසිගෙන ඔවුන්ට මිථ්‍යා මත ගන්වා අපරාධ කළ අයය.
ඕකිලිනී නරකය
මෙහි දිග, පළල හා ගැඹුර ආදිය පෙර මෙනි. මෙහි උපන් නිරිසතුන් බුර බුරා ඇවිලෙන ගිනි අඟුරුවල පෙරෙළෙමින් ගිනිදැල්වලින් දැවෙමින් එහිම සිට ‘ඕකිලිනී” නම් වූ කුණුදිය තැවරුණු සිරුරෙන් යුතුව දෙපසින් වැගිරෙන කුණුදියෙන් පිළිස්සී වකුටු වී එයින් පැන යෑමට උත්සාහ කරති. එහෙත් ඔවුන්ට එයින් පැන යෑමට නොහැක. එහිම දැවෙමින් සිටිති. මෙහි උපදින්නේ තමාට සතුරු වූ ස්ත්‍රීන් ගිනිගස්වා පුළුස්සා මැරූ අයයි.
මෙහි දිග, පළල හා ගැඹුර ආදිය පෙර මෙනි. මෙහි උපන් නිරිසතුන් බුර බුරා ඇවිලෙන ගිනි අඟුරුවල පෙරෙළෙමින් ගිනිදැල්වලින් දැවෙමින් එහිම සිට ‘ඕකිලිනී” නම් වූ කුණුදිය තැවරුණු සිරුරෙන් යුතුව දෙපසින් වැගිරෙන කුණුදියෙන් පිළිස්සී වකුටු වී එයින් පැන යෑමට උත්සාහ කරති. එහෙත් ඔවුන්ට එයින් පැන යෑමට නොහැක. එහිම දැවෙමින් සිටිති. මෙහි උපදින්නේ තමාට සතුරු වූ ස්ත්‍රීන් ගිනිගස්වා පුළුස්සා මැරූ අයයි.
අසීසක නරකය
මෙහි දිග, පළල, හා ගැඹුර පෙර මෙනි, මෙහි උපදින නිරිසතුන් බුර බුරා නැගෙන ගිනිදැල් වලින් පිළිස්සෙමින් මහා දුක්ඛයකට පත්වෙති. ගිනිදැල්වලින් පිළිස්සී දුවන ඔවුන්ගේ පා වලට පෑගෙන්නේ ගිනිගෙන දිළිසෙන අඟුරුය. එයින් ගැල්වීමක් ඔවුන්ට නැත. මෙහි උපදින්නේ සතුන්ගේ කන් , නාසා ආදිය කපා වධ දී මරණයට පත් කළ අයය.
මෙහි දිග, පළල, හා ගැඹුර පෙර මෙනි, මෙහි උපදින නිරිසතුන් බුර බුරා නැගෙන ගිනිදැල් වලින් පිළිස්සෙමින් මහා දුක්ඛයකට පත්වෙති. ගිනිදැල්වලින් පිළිස්සී දුවන ඔවුන්ගේ පා වලට පෑගෙන්නේ ගිනිගෙන දිළිසෙන අඟුරුය. එයින් ගැල්වීමක් ඔවුන්ට නැත. මෙහි උපදින්නේ සතුන්ගේ කන් , නාසා ආදිය කපා වධ දී මරණයට පත් කළ අයය.
පරලෝභ නරකය
මෙහි දිග, පළල හා ගැඹුර පෙර මෙනි. මෙහි උපන් නිරිසතුන් යොදුනක් පමණ උසය. ඔවුන්ගේ කුස තුළින් නැගෙන ගිනිදළු මුඛයෙන් පිටවෙයි. නැවත මුඛයෙන් ඇතුළුවන ගිනිදළු ඔවුන්ගේ මුළු සිරුරම පිදුරු ගසක් මෙන් දවා අළු කරති. කර්ම ශක්තියෙන් නැවතත් ඔවුන්ගේ ශරීර සෑදේ. නැවතත් පෙර සේම මුඛයෙන් ඇතුල්වන ගිනිදැල් මුළු සිරුරම දා අළු කරති. මෙහි උපදින්නේ මහා සංඝරත්නයට දෙන දානය වැළැක් වූ අය හා දෙන දෙය අඩුවෙන් දෙන ලෙස ප්‍රමාණ පවසා දායකයාගේ දීමට බාධා කළ අය හා මහා සංඝරත්නයට ලැබෙන දේ කෙරෙහි ලෝභයෙන්, ද්වේශයෙන් කටයුතු කළ අයයි.
මෙහි දිග, පළල හා ගැඹුර පෙර මෙනි. මෙහි උපන් නිරිසතුන් යොදුනක් පමණ උසය. ඔවුන්ගේ කුස තුළින් නැගෙන ගිනිදළු මුඛයෙන් පිටවෙයි. නැවත මුඛයෙන් ඇතුළුවන ගිනිදළු ඔවුන්ගේ මුළු සිරුරම පිදුරු ගසක් මෙන් දවා අළු කරති. කර්ම ශක්තියෙන් නැවතත් ඔවුන්ගේ ශරීර සෑදේ. නැවතත් පෙර සේම මුඛයෙන් ඇතුල්වන ගිනිදැල් මුළු සිරුරම දා අළු කරති. මෙහි උපදින්නේ මහා සංඝරත්නයට දෙන දානය වැළැක් වූ අය හා දෙන දෙය අඩුවෙන් දෙන ලෙස ප්‍රමාණ පවසා දායකයාගේ දීමට බාධා කළ අය හා මහා සංඝරත්නයට ලැබෙන දේ කෙරෙහි ලෝභයෙන්, ද්වේශයෙන් කටයුතු කළ අයයි.
නච්චවාදක නරකය
මෙහි දිග , පළල හා ගැඹුර පෙර මෙනි. මෙහිද උපන් නිරි සතුන් ගව් දෙකක් පමණ උසය. ඔවුන්ගේ ශරීරය ඇතුලෙන් දැවෙයි. එසේ දැවෙන විට ඔවුන් එහෙ මෙහෙ දුවති. එහි ඇති තියුණු උල් සහිත බිම පා තබන විට ඒ උල් පාවල ඇනී මහත් වේදනාවකට පත් වෙමින් කෑ ගසති. නැවතත් දුවති. එවිට තදින්ම එහි ඇති යකඩ උල් ඔවුන්ගේ පාවල ඇණී අතිශය වේදනාවකට පත් කරයි. මෙහි උපදින්නේ නැටුම් ගැයුම් ආදිය ඉගෙන ගම් නියම් ගම් සැරිසරා ඒවා පෙන්වා මුදල් නොදුන් අයට නින්දා අපහාස කළ අයයි.
මෙහි දිග , පළල හා ගැඹුර පෙර මෙනි. මෙහිද උපන් නිරි සතුන් ගව් දෙකක් පමණ උසය. ඔවුන්ගේ ශරීරය ඇතුලෙන් දැවෙයි. එසේ දැවෙන විට ඔවුන් එහෙ මෙහෙ දුවති. එහි ඇති තියුණු උල් සහිත බිම පා තබන විට ඒ උල් පාවල ඇනී මහත් වේදනාවකට පත් වෙමින් කෑ ගසති. නැවතත් දුවති. එවිට තදින්ම එහි ඇති යකඩ උල් ඔවුන්ගේ පාවල ඇණී අතිශය වේදනාවකට පත් කරයි. මෙහි උපදින්නේ නැටුම් ගැයුම් ආදිය ඉගෙන ගම් නියම් ගම් සැරිසරා ඒවා පෙන්වා මුදල් නොදුන් අයට නින්දා අපහාස කළ අයයි.
පාණිතිංස නරකය
මෙහි දිග, පලළ හා ගැඹුර පෙර මෙනි. මෙහි උපදින නිරිසතුන් ඔවුන්ගේ දෙදණ, දෙවැලිමිට, හා බෙල්ල එකටකොට බඳින ‘කණ්ඨපඤ්චම් බන්ධනයෙන් බැඳ යමපල්ලන් විසින් විවිධ අවි ආයුධවලින් ගසා, තලා තාඩන, පීඩනවලට පත්කරති. ඔවුන්ගේ මස්, නහර ඇට තැලෙති. මෙහි උපදින්නේ සතුන්ට වද දීම් හා ප්‍රාණඝාතය කළ අයයි.
මෙහි දිග, පලළ හා ගැඹුර පෙර මෙනි. මෙහි උපදින නිරිසතුන් ඔවුන්ගේ දෙදණ, දෙවැලිමිට, හා බෙල්ල එකටකොට බඳින ‘කණ්ඨපඤ්චම් බන්ධනයෙන් බැඳ යමපල්ලන් විසින් විවිධ අවි ආයුධවලින් ගසා, තලා තාඩන, පීඩනවලට පත්කරති. ඔවුන්ගේ මස්, නහර ඇට තැලෙති. මෙහි උපදින්නේ සතුන්ට වද දීම් හා ප්‍රාණඝාතය කළ අයයි.
කාකෝල නරකය
මෙහි දිග, පළල හා ගැඹුර පෙර මෙනි. මෙහි උපදින නිරිසතුන්ට වධ දෙන්නේ යකඩ තුඩවලින් යුත් කපුටන් හා ගිජුලිහිණියන්ය. ඔවුන්ගේ යකඩ තුඩුවලින් එහි වැටෙන නිරිසතුන්ගේ ඇඟමස් කඩ කඩා කමින් මහත් වේදනාවකට පත් කරති. මෙහි උපදින්නේ පොලියට මුදල් දී අධික පොලිය අයකරමින් ඒ අය පීඩාවට පත් කළ අයයි.
මෙහි දිග, පළල හා ගැඹුර පෙර මෙනි. මෙහි උපදින නිරිසතුන්ට වධ දෙන්නේ යකඩ තුඩවලින් යුත් කපුටන් හා ගිජුලිහිණියන්ය. ඔවුන්ගේ යකඩ තුඩුවලින් එහි වැටෙන නිරිසතුන්ගේ ඇඟමස් කඩ කඩා කමින් මහත් වේදනාවකට පත් කරති. මෙහි උපදින්නේ පොලියට මුදල් දී අධික පොලිය අයකරමින් ඒ අය පීඩාවට පත් කළ අයයි.
ලිපි මාලා අංක – 10
වේළුනද නරකය
උස ආදිය පෙරමෙනි. මෙහි උපදින නිරිසතුන් ගිනිගෙන දදා තිබෙන යකබල පිටහෙලා යමපල්ලෝ යමුගුරුවලින් ගසති. ගිනිගත් පොරෝවලින් පෙති ගසති. ගිනිගත් කියත්වලින් ඉරා මස් කැටි ගෙන ඔවුන්ට කවති. මෙහි උපදින්නෝ නම් පැන ගිය වහළුන් අල්වා ගෙන අවුත් පොළු මුගුරුවලින් තලා වධ කළෝය.
පහාස නරකය
දිග පළල ආදිය පෙරමෙනි. මෙහි පැසෙන නිරිසතුන් නටන ගයන නළුවන්ගේ විලාස ඇත්තාහු. ඇවිලෙන මහ ගින්නෙන් දැවෙමින් මහ හඬින් හඬ හඬා දුක් විදිති. සැබෑවෙන බොරුවෙන් මහජනයා හිනස්සවමින් නැටුම් – ගැයුම් පවත්වා අධර්මයෙන් මුදල් උපයා දිවි රැක ගත්තෝ මෙහි උපදිති.
සඤ්චිචිච නරකය
උස ආදිය පෙර මෙනි. බල්ලන් බළලුන් මැරූ අය මෙහි උපදිත්. ඔවුන් මහ හඬින් අඬ අඬා විලාප කියා පෙළෙත්.
මහාජාල නරකය
උස ආදිය පෙරමෙනි. මෙහි උපදින නිරිසත්තු එහි ඇවිල පවත්නා ගිනිදැල්වල වෙළි වෙළී දුක් විඳිති. ඔව්හු මිනිස් පිය කළ ඔවුනොවුන් නො කළ නොකී දේ කරන ලදැයි කියන ලදැයි, සැකකොට නිකරුනේ තළා පෙළා වධ කළෝ ය.
එක කල්ප නරකය
උස ආදිය පෙර මෙනි. මෙහි ගිනි ගෙන ඇවිලෙමින් විලාප කිය කියා ඈත මෑත දුවන නිරිසතුන් අල්වා නිරය පාලකයෝ ඔවුන්ගේ මුඛය අයා ගිනිගෙන දිලිසෙන ලෝ දියවත් කරති. මෙහි දුක් විඳින්නෝ නම්, දෙමාපියන්ට නැදිමයිලන්ට මහණ බමුණන්ට කුලවතුන්ට කුලමල නම් ගොත් ආදිය කිය කියා පරුෂ වචනයෙන් බිණුවෝය.
විකල්ප නරකය
මෙහි උස ආදිය පෙරමෙනි. බුදුන්ට, රහතුන්ට, සතුන්ට, ඉරහඳට, මහපොළොවට බැන්නවුන් උපදින නරකයයි. මෙහි බුර බුරා නගින ගිනි දළුවලින් වෙලි වෙලී ඔව්හු අපමණ දුක් විඳිති. මුඛය ගිනි දලු දදා ඇවිලෙති. මෙහි විඳින දුක් පමණ නැත.
තයෝ කල්ප නරකය
උස හා දිගු පළල පෙර මෙනි. තමන් මිනිස් බැව් ලත් කල්හි, මහා සංඝයා වහන්සේ උදෙසා හෝ එක පුද්ගලයක්හු උදෙසා හෝ අමනාපව අනාදර සිතින් නුගුණ කීවෝද, මෙකී උතුමන්ට ගර්හා කෙරෙමින් චෝදනා කෙරෙමින් ඔවුන්නොවුන්ගේ නුගුණ කිය කියා ඇවිද්දෝ ද ෙ මහි ඉපිද දුක් විඳිති.
චතුකල්ප නරකය
මෙහි ද දිගු පළලාදිය පෙරමෙනි. අන්හට දස් වූ වහල් වූ අය එම දාස භාවයෙන් නිදහස නොලැබ බුදුසසුනෙහි මහණ බැව් ලැබ සිටියාහු ද ඔව්හු එම අකුශල කර්මයෙන් මෙහි ඉපිද දුක් විඳිති.
පඤචකල්ප නරකය
පෙරමෙන් ප්‍රමාණය දතයුතු මිනිස් පිය ලත් කල ධර්මකථිකයෝ වැනි නිශ්ශරණාධ්‍යාංශයෙන් ධර්මදේශනා නොකොට ලාභසත්කාර උපයනු සඳහා තථාගත ධර්මයට බුහුමන් නැතිව ගමක්, ගෙයක්, මාවතක් පාසා ඇවිද අනාදරයෙන් දේශනාකළාහු මෙහි ඉපිද දුක් විඳිති.
ජ කල්ප නරකය
මේ නරකයෙහි දිග සැට යොදුන, පළල සැට යොදුන. ගැඹුර සැට යොදුන. ගිනිගෙන දිළිසෙන යපවුරෙන් යපියන් පතින් සේම වූයේය. තමන් මිනිස් පිය ලත් කල්හි පැවිදිව සික්ෂාපද කඩමින් සිට සැදැහැවතුන් විසින් දෙන ලද චීවරාදී පසය පරිභෝග කළෝ මෙහි ඉපිද දුක් විදුනාහ.
සප්ත කල්ප නරකය
දිග පළලාදිය පෙර මෙනි. මිනිස් පියෙහි සිට පන්සිල් අටසිල් ඈ සීලයෙක පිහිටා තමා නො ඇසූ නොදුටු දෙය ගෙන බොරු කීවෝ ද කේලාම් කීවෝ ද, ඔව්හු මෙහි ඉපිද දුක් විඳිති.
අෂ්ට කල්ප නරකය
විස්තර පෙර මෙනි. පැවිදිව උගත්ව, සිත් උමතු කරවාලන රා, කන්සා ආදී මත්ද්‍රව්‍ය පරිභෝග කෙරෙමින් දුෂ්ප්‍රතිපත්තියෙහි සිට අනුන්ට බණ කීවෝ මෙහි ඉපිද දුක් විඳිති.
නව කල්ප නරකය
අල්ලස් දී, ඔවුනොවුන්ට අලාභහානි කරවුවෝ ද අල්ලස්ගෙන ඔවුනොවුන්ට අලාභහානි කළෝ ද මෙහි ඉපිද දුක් විඳිති.
දශ කල්ප නරකය
රජ දරුවන්ට පෙර පටන් දුන් සුංකමින් කොටසක් නොදී ගනුවයි කීවෝ ද, රජ දරුවන්ට දියයුතු කොටස නොදී ගත්තෝ ද මෙහි ඉපිද දුක් විඳිති.
ඒකාදශ කල්ප නරකය
තථාගත ධර්මය ලියවා තැබූ බණ පොත් සිඳ බිඳ දැමුවෝද පොත්ගුල් සිඳ බිඳ නැසුවෝ ද පොත් වසුන් ගත්තෝ ද, පොත්ගුල් ගොඩනැගීම වැළැක්වූවෝ ද මෙහි ඉපිද දුක් විඳිති.
තෙරස කල්ප නරකය
සැදැහවතුන් විසින් දාගැබ්, බෝධි, පිළිමගෙවල් සන්තක කොට හෝ සංඝ සන්තක කොට හෝ තම තමාගේ පමණට ඉසුරු පමුණුවා දෙල ලද්දේ, එකී විහාර සන්තක දාගැබ් සන්තක බෝධි සන්තක පිළිම ගෙවල් සන්තක සංඝ සන්තක කරවූ රන් පනම් තඹ ලෝහාදී දෙයක් හෝ වී සහල් ආදී ධාන්‍ය වර්ගයක් හෝ පිළි තෙලියම් උඩුවියන් කොට්ටා පැදුරු ආදී දෙයක් හෝ අල්ලස් පිණිස අනුන්නට තිළිණ කොට දුන්නෝ ද, මහ සඟුන්ගේ පරිභෝගයට නොපමුණුවා තම තමා පරිභෝග කළෝ ද, එබඳු මහණුන් ද සැදැහවතුන් විසින් තුනුරුවන් විෂයෙහි පුදන ලද කුඹුරු, වතුපිටි, ගහකොළ, විහාර සන්තක සංඝ සන්තක කරන්නට නො- පිළිවනැයි කියා තම තමාගේ බල පුළුවන්කමින් අයුත්තේ කෑ ගෘහස්ථයෝ ද මෙහි ඉපිද අපමණ දුක් විඳිති.
චුද්දස කල්ප නරකය
රජ කෙනෙක් ව හෝ අමාත්‍ය කෙනෙක් ව හෝ සෙනෙවිරත් කෙනෙක් ව හෝ බැගෑපත් දිළිඳු ජනයාගේ දේපළ අන්නෑයන්ගේ දේපළ බලාත්කාරයෙන් ගත්තෝ ද ඔව්හු මෙහි ඉපිද දුක් විඳිති.
පඤ්චදස කල්ප නරකය
රජ බවට පැමිණ දශරාජ ධර්මයෙන් තොරව අධර්මයෙන් බලාත්කාරයෙන් අනුන්ගේ අඹුදරුවන් උදුරා ගත්තෝ ද, කෙත්වතු උදුරාගත්තෝ ද, ගම් රට දනවු උදුරා ගත්තෝ ද, මෙහි ඉපිද පැසි පැසී දුක් විඳිති.
සොළස කල්ප නරකය
රාජාමාත්‍ය සෙනෙවිරත් ආදී ප්‍රභූවරයෝව තමතමන්ගේ ආඥා පතුරුවා අන්සතු ගම්බිම් කෙත්වත් ආදිය අන්නෑනේ උදුර කා ජීවත්වූවෝ මෙහි ඉපිද පැසි පැසී මහ දුක් විඳිති.
අවත්ථන්තර නරකය
උස ආදිය පෙර මෙනි. යමක් දෙන පොරොන්දුවෙන් වැඩ කරවා ඔහුගේ මහන්සිය නොදී රැවටූ අය මෙහි ඉපිද දැඩිදුක් විදිත්.
මහකුළු නරකය
උස ආදිය පෙරමෙනි. දෙමාපියන් ගුරුන් දම්දෙසන්නන් උපාධ්‍යායන් කෙරෙහි අනාදර අගෞරව කළෝ මෙහි ඉපිද ගිනිගෙන දිලිසෙන මහා ගල් කුළුවලට යට වෙමින් දුක් විද පෙළෙත්.
උච්චාරූල්හ නරකය
උස ආදිය පෙරමෙනි. චෛත්‍ය මළු, විහාර මළු, බෝ මළු, ධර්මශාලා ආදියෙන් ඉස් වසා වහන් පය ලා කුඩ ඔසවා ගෙන සිටි අය මේ නරකයේ ඉපිද අපමණ දුක් විඳිති.
ආරාම දුසක නරකය
දිග පළලාදිය පෙර මෙනි, විහාර සන්තක ඉඩ - කඩම්වලින් මල් - පල, උණ – බට, පස් - මැටි ආදිය ගත් අය මෙහි ඉපිද පැසෙත්.
ගීතග්ගී නරකය
උස ආදිය පෙරමෙනි. විහාරාරාමවලට පුදකළ දේවලට අලාභහානි කළෝ මේ නරකයේ ඉපිද දුක් විඳිත්.
වේළුනද නරකය
උස ආදිය පෙරමෙනි. මෙහි උපදින නිරිසතුන් ගිනිගෙන දදා තිබෙන යකබල පිටහෙලා යමපල්ලෝ යමුගුරුවලින් ගසති. ගිනිගත් පොරෝවලින් පෙති ගසති. ගිනිගත් කියත්වලින් ඉරා මස් කැටි ගෙන ඔවුන්ට කවති. මෙහි උපදින්නෝ නම් පැන ගිය වහළුන් අල්වා ගෙන අවුත් පොළු මුගුරුවලින් තලා වධ කළෝය.
පහාස නරකය
දිග පළල ආදිය පෙරමෙනි. මෙහි පැසෙන නිරිසතුන් නටන ගයන නළුවන්ගේ විලාස ඇත්තාහු. ඇවිලෙන මහ ගින්නෙන් දැවෙමින් මහ හඬින් හඬ හඬා දුක් විදිති. සැබෑවෙන බොරුවෙන් මහජනයා හිනස්සවමින් නැටුම් – ගැයුම් පවත්වා අධර්මයෙන් මුදල් උපයා දිවි රැක ගත්තෝ මෙහි උපදිති.
සඤ්චිචිච නරකය
උස ආදිය පෙර මෙනි. බල්ලන් බළලුන් මැරූ අය මෙහි උපදිත්. ඔවුන් මහ හඬින් අඬ අඬා විලාප කියා පෙළෙත්.
මහාජාල නරකය
උස ආදිය පෙරමෙනි. මෙහි උපදින නිරිසත්තු එහි ඇවිල පවත්නා ගිනිදැල්වල වෙළි වෙළී දුක් විඳිති. ඔව්හු මිනිස් පිය කළ ඔවුනොවුන් නො කළ නොකී දේ කරන ලදැයි කියන ලදැයි, සැකකොට නිකරුනේ තළා පෙළා වධ කළෝ ය.
එක කල්ප නරකය
උස ආදිය පෙර මෙනි. මෙහි ගිනි ගෙන ඇවිලෙමින් විලාප කිය කියා ඈත මෑත දුවන නිරිසතුන් අල්වා නිරය පාලකයෝ ඔවුන්ගේ මුඛය අයා ගිනිගෙන දිලිසෙන ලෝ දියවත් කරති. මෙහි දුක් විඳින්නෝ නම්, දෙමාපියන්ට නැදිමයිලන්ට මහණ බමුණන්ට කුලවතුන්ට කුලමල නම් ගොත් ආදිය කිය කියා පරුෂ වචනයෙන් බිණුවෝය.
විකල්ප නරකය
මෙහි උස ආදිය පෙරමෙනි. බුදුන්ට, රහතුන්ට, සතුන්ට, ඉරහඳට, මහපොළොවට බැන්නවුන් උපදින නරකයයි. මෙහි බුර බුරා නගින ගිනි දළුවලින් වෙලි වෙලී ඔව්හු අපමණ දුක් විඳිති. මුඛය ගිනි දලු දදා ඇවිලෙති. මෙහි විඳින දුක් පමණ නැත.
තයෝ කල්ප නරකය
උස හා දිගු පළල පෙර මෙනි. තමන් මිනිස් බැව් ලත් කල්හි, මහා සංඝයා වහන්සේ උදෙසා හෝ එක පුද්ගලයක්හු උදෙසා හෝ අමනාපව අනාදර සිතින් නුගුණ කීවෝද, මෙකී උතුමන්ට ගර්හා කෙරෙමින් චෝදනා කෙරෙමින් ඔවුන්නොවුන්ගේ නුගුණ කිය කියා ඇවිද්දෝ ද ෙ මහි ඉපිද දුක් විඳිති.
චතුකල්ප නරකය
මෙහි ද දිගු පළලාදිය පෙරමෙනි. අන්හට දස් වූ වහල් වූ අය එම දාස භාවයෙන් නිදහස නොලැබ බුදුසසුනෙහි මහණ බැව් ලැබ සිටියාහු ද ඔව්හු එම අකුශල කර්මයෙන් මෙහි ඉපිද දුක් විඳිති.
පඤචකල්ප නරකය
පෙරමෙන් ප්‍රමාණය දතයුතු මිනිස් පිය ලත් කල ධර්මකථිකයෝ වැනි නිශ්ශරණාධ්‍යාංශයෙන් ධර්මදේශනා නොකොට ලාභසත්කාර උපයනු සඳහා තථාගත ධර්මයට බුහුමන් නැතිව ගමක්, ගෙයක්, මාවතක් පාසා ඇවිද අනාදරයෙන් දේශනාකළාහු මෙහි ඉපිද දුක් විඳිති.
ජ කල්ප නරකය
මේ නරකයෙහි දිග සැට යොදුන, පළල සැට යොදුන. ගැඹුර සැට යොදුන. ගිනිගෙන දිළිසෙන යපවුරෙන් යපියන් පතින් සේම වූයේය. තමන් මිනිස් පිය ලත් කල්හි පැවිදිව සික්ෂාපද කඩමින් සිට සැදැහැවතුන් විසින් දෙන ලද චීවරාදී පසය පරිභෝග කළෝ මෙහි ඉපිද දුක් විදුනාහ.
සප්ත කල්ප නරකය
දිග පළලාදිය පෙර මෙනි. මිනිස් පියෙහි සිට පන්සිල් අටසිල් ඈ සීලයෙක පිහිටා තමා නො ඇසූ නොදුටු දෙය ගෙන බොරු කීවෝ ද කේලාම් කීවෝ ද, ඔව්හු මෙහි ඉපිද දුක් විඳිති.
අෂ්ට කල්ප නරකය
විස්තර පෙර මෙනි. පැවිදිව උගත්ව, සිත් උමතු කරවාලන රා, කන්සා ආදී මත්ද්‍රව්‍ය පරිභෝග කෙරෙමින් දුෂ්ප්‍රතිපත්තියෙහි සිට අනුන්ට බණ කීවෝ මෙහි ඉපිද දුක් විඳිති.
නව කල්ප නරකය
අල්ලස් දී, ඔවුනොවුන්ට අලාභහානි කරවුවෝ ද අල්ලස්ගෙන ඔවුනොවුන්ට අලාභහානි කළෝ ද මෙහි ඉපිද දුක් විඳිති.
දශ කල්ප නරකය
රජ දරුවන්ට පෙර පටන් දුන් සුංකමින් කොටසක් නොදී ගනුවයි කීවෝ ද, රජ දරුවන්ට දියයුතු කොටස නොදී ගත්තෝ ද මෙහි ඉපිද දුක් විඳිති.
ඒකාදශ කල්ප නරකය
තථාගත ධර්මය ලියවා තැබූ බණ පොත් සිඳ බිඳ දැමුවෝද පොත්ගුල් සිඳ බිඳ නැසුවෝ ද පොත් වසුන් ගත්තෝ ද, පොත්ගුල් ගොඩනැගීම වැළැක්වූවෝ ද මෙහි ඉපිද දුක් විඳිති.
තෙරස කල්ප නරකය
සැදැහවතුන් විසින් දාගැබ්, බෝධි, පිළිමගෙවල් සන්තක කොට හෝ සංඝ සන්තක කොට හෝ තම තමාගේ පමණට ඉසුරු පමුණුවා දෙල ලද්දේ, එකී විහාර සන්තක දාගැබ් සන්තක බෝධි සන්තක පිළිම ගෙවල් සන්තක සංඝ සන්තක කරවූ රන් පනම් තඹ ලෝහාදී දෙයක් හෝ වී සහල් ආදී ධාන්‍ය වර්ගයක් හෝ පිළි තෙලියම් උඩුවියන් කොට්ටා පැදුරු ආදී දෙයක් හෝ අල්ලස් පිණිස අනුන්නට තිළිණ කොට දුන්නෝ ද, මහ සඟුන්ගේ පරිභෝගයට නොපමුණුවා තම තමා පරිභෝග කළෝ ද, එබඳු මහණුන් ද සැදැහවතුන් විසින් තුනුරුවන් විෂයෙහි පුදන ලද කුඹුරු, වතුපිටි, ගහකොළ, විහාර සන්තක සංඝ සන්තක කරන්නට නො- පිළිවනැයි කියා තම තමාගේ බල පුළුවන්කමින් අයුත්තේ කෑ ගෘහස්ථයෝ ද මෙහි ඉපිද අපමණ දුක් විඳිති.
චුද්දස කල්ප නරකය
රජ කෙනෙක් ව හෝ අමාත්‍ය කෙනෙක් ව හෝ සෙනෙවිරත් කෙනෙක් ව හෝ බැගෑපත් දිළිඳු ජනයාගේ දේපළ අන්නෑයන්ගේ දේපළ බලාත්කාරයෙන් ගත්තෝ ද ඔව්හු මෙහි ඉපිද දුක් විඳිති.
පඤ්චදස කල්ප නරකය
රජ බවට පැමිණ දශරාජ ධර්මයෙන් තොරව අධර්මයෙන් බලාත්කාරයෙන් අනුන්ගේ අඹුදරුවන් උදුරා ගත්තෝ ද, කෙත්වතු උදුරාගත්තෝ ද, ගම් රට දනවු උදුරා ගත්තෝ ද, මෙහි ඉපිද පැසි පැසී දුක් විඳිති.
සොළස කල්ප නරකය
රාජාමාත්‍ය සෙනෙවිරත් ආදී ප්‍රභූවරයෝව තමතමන්ගේ ආඥා පතුරුවා අන්සතු ගම්බිම් කෙත්වත් ආදිය අන්නෑනේ උදුර කා ජීවත්වූවෝ මෙහි ඉපිද පැසි පැසී මහ දුක් විඳිති.
අවත්ථන්තර නරකය
උස ආදිය පෙර මෙනි. යමක් දෙන පොරොන්දුවෙන් වැඩ කරවා ඔහුගේ මහන්සිය නොදී රැවටූ අය මෙහි ඉපිද දැඩිදුක් විදිත්.
මහකුළු නරකය
උස ආදිය පෙරමෙනි. දෙමාපියන් ගුරුන් දම්දෙසන්නන් උපාධ්‍යායන් කෙරෙහි අනාදර අගෞරව කළෝ මෙහි ඉපිද ගිනිගෙන දිලිසෙන මහා ගල් කුළුවලට යට වෙමින් දුක් විද පෙළෙත්.
උච්චාරූල්හ නරකය
උස ආදිය පෙරමෙනි. චෛත්‍ය මළු, විහාර මළු, බෝ මළු, ධර්මශාලා ආදියෙන් ඉස් වසා වහන් පය ලා කුඩ ඔසවා ගෙන සිටි අය මේ නරකයේ ඉපිද අපමණ දුක් විඳිති.
ආරාම දුසක නරකය
දිග පළලාදිය පෙර මෙනි, විහාර සන්තක ඉඩ - කඩම්වලින් මල් - පල, උණ – බට, පස් - මැටි ආදිය ගත් අය මෙහි ඉපිද පැසෙත්.
ගීතග්ගී නරකය
උස ආදිය පෙරමෙනි. විහාරාරාමවලට පුදකළ දේවලට අලාභහානි කළෝ මේ නරකයේ ඉපිද දුක් විඳිත්.
